Home ରାଜ୍ୟ ଗାତରୁ ବାହାରୁଛି ଗରମ ପାଣି ଓ ଧୂଆଁ ; ଗ୍ରାମବାସୀ ଭୟଭୀତ !

ଗାତରୁ ବାହାରୁଛି ଗରମ ପାଣି ଓ ଧୂଆଁ ; ଗ୍ରାମବାସୀ ଭୟଭୀତ !

ଭଦ୍ରକ ; ଗାତରୁ ବାହାରୁଛି ଗରମ ପାଣି ଓ ଧୂଆଁ । ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳୁଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଅନ୍ତର୍ଗତ କରଞ୍ଜମାଳ ଗାଁରେ । ସୁଚନାମୁତାବକ, ଗତକାଲି ଅପରାହ୍ନ ପ୍ରାୟ ୪ଟା ବେଳେ ଟ୍ରାନ୍ସଫର୍ମର ପାଇଂ ଆର୍ଥିଂ ବସାଇବା ଲାଗି ମାଟି ଖୋଳା ଯାଉଥିବାବେଳେ ପ୍ରାୟ ୫/୬ ଫୁଟ୍ ଖୋଳି ସାରିବା ପରେ ସେଥିରୁ ଧୂଆଁ ସହିତ ଗରମ ପାଣି ବାହାରିଥିଲା। ଯାହାକୁ ନେଇ ବୋରିଂ କରୁଥିବା ଲୋକେ ଭୟଭୀତ ହେବା ସହ ଗ୍ରାମବାସୀଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିଲା । ପ୍ରାୟ ୩/୪ ଘଣ୍ଟା ଧରି ଏମିତି ଧୂଆଁ ବାହାରିବା ଯୋଗୁ ସେଠାରେ ଲୋକ ରୁଣ୍ଡ ହୋଇଥିଲେ। ଏ ନେଇ ଲୋକ ମାନଙ୍କ ମନରେ ଯେତିକି ଉତ୍ôସୁକତା ବଢିଥିଲା ସେତିକି ଭୟ ମଧ୍ୟ ଲାଗି ରହିଥିଲା । ବୋରିଂ ହୋଇଥିବା ସ୍ଥାନରୁ ୩ ଫୁଟ୍ ଛାଡି ଆଉ ଏକ ସ୍ଥାନରେ ବୋରିଂ କରାଯାଇଥିଲେ ମଧ୍ୟ ସେହି ଏକା ଅବସ୍ଥା ହୋଇଥିଲା । ଏହାର କାରଣ ଗ୍ରାମବାସୀ କି ବୋରିଂ କରୁଥିବା ମିସ୍ତ୍ରୀମାନେ ଜାଣିପାରି ନଥିଲେ ମଧ୍ୟ ମାଟି ତଳେ କୈାଣସି ଗ୍ୟାସ ରହିଯାଇଥିବା ବେଳେ ବୋରିଂ ପରେ ତାହା ବାୟୁ ସଂସ୍ପର୍ଶରେ ଆସି ଉତ୍ତପ୍ତ ହୋଇଥାଇପାରେ ବୋଲି ଅନୁମାନ କରାଯାଉଛି । ଏନେଇ ତଦନ୍ତ କଲେ ପ୍ରକୃତ କାରଣ କଣ ଜଣାପଡିବ ବୋଲି ଗ୍ରାମବାସୀ କହିଛନ୍ତି । ଅନ୍ୟପଟେ କୈାଣସି ସରକାରୀ ଅଧିକାରୀ ପହଞ୍ଚି ନଥିବାବେଳେ ଲୋକମାନେ ଗାତଟିକୁ ବନ୍ଦ କରି ରଖିଛନ୍ତି । ଆଜି ତହସିଲଦାର ସେଠାକୁ ଯିବେ ବୋଲି ଜଣାପଡ଼ିଛି। ତେବେ ଆଜି ପର‌୍ୟ୍ୟନ୍ତ ବି ସେହି ଗାତରୁ ଧୂଆଁ ବାହାରୁଛି।