Home ରାଜ୍ୟ ବିଜେପୁର ତହସିଲ ଅଫିସରେ ବାଡ଼ ଖାଉଛି ଫସଲ; ପଢନ୍ତୁ କିଏ ବାଡ଼ ? ଆଉ କିଏ...

ବିଜେପୁର ତହସିଲ ଅଫିସରେ ବାଡ଼ ଖାଉଛି ଫସଲ; ପଢନ୍ତୁ କିଏ ବାଡ଼ ? ଆଉ କିଏ ଫସଲ ?


ବରଗଡ଼: ବିଜେପୁର ତହସିଲ ଅଫିସରେ ଖୁଲମ୍ ଖୋଲା ଲାଞ୍ଚ କାରବାର ଚାଲିଛି, ତହସିଲଦାର ଦେଖି ନଦେଖିଲା ପରି ମନେ କରୁଛନ୍ତି । ତହସିଲ କର୍ମଚାରୀ ଦିବାଲୋକରେ ଗରିବ ଅସହାୟ ଚାଷୀଙ୍କ ଠାରୁ ସୁଯୋଗରେ ଲୁଟିବାରେ ବ୍ୟସ୍ଥ, ସେପଟେ ତହସିଲଦାର ନିରବ । ତହସିଲଦାର ଓ ତାଙ୍କ କର୍ମଚାରୀଙ୍କ ମଧ୍ୟରେ ସଲାସୁତରା ହୋଇ ଏହି ସୁଯୋଗରେ ଗରିବ ଚାଷୀଙ୍କ ଠାରୁ ଲୁଟିନେଉଥିବା ଅଭିଯୋଗ ଆସିଛି । ସରକାରଙ୍କ ଘୋଷଣା ଅନୁଯାୟୀ ରାଜ୍ୟର ସମସ୍ତ ତହସିଲ ମାନଙ୍କରେ ବାକିଥିବା ମିଟିସନ ଓ ଜମିର ପଟ୍ଟା କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହାର ଅବଧି କମ ଦିନ ଥିବା ବେଳେ ବିଜେପୁର ସହସିଲ ଅଫିସରେ ଏହାର ଅବ୍ୟବସ୍ଥା ଦେଖିବାକୁ ମିଳିଛି । କିଛି ଅସାଂଧୁ କର୍ମଚାରୀମାନେ ଖୋଲମ ଖୋଲା ଲାଞ୍ଚ ନେଉଥିବା ଦେଖିବାକୁ ମିଳିଛି । ତହସିଲର ସିନିୟର କ୍ଲର୍କ ରେକର୍ଡ଼ ରୁମ୍ରେ କ୍ଲିୟରାନ୍ସ ପାଇଁ ଲାଞ୍ଚ ନେଇଥିବା ବେଳେ ଆମ ପ୍ରତିନିଧିଙ୍କ କ୍ୟାମେରା କଏଦ ହୋଇଛି ଦୃଶ୍ୟ । ଯାହା ଏବେ ସାରା ଜିଲ୍ଲାରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ଏପରିକି ଆମ ପ୍ରତିନିଧି ତହସିଲଦରଙ୍କୁ ଫୋନ୍ରେ ଯୋଗା ଯୋଗ କରିଥିଲେ ମଧ୍ୟ ଏହ ସମ୍ଭବ ହୋଇନଥିଲା । ଅନ୍ୟପଟେ ଅସାଂଧୁ କର୍ମଚାରୀଙ୍କ ବିରୋଧରେ ତୁରନ୍ତ କାର୍ଯ୍ୟନୁଷ୍ଠାନ ନହେଲେ ଆନ୍ଦୋଳନ ପାଇଁ ସ୍ଥାନୀୟ ଜନପ୍ରତିନିଧି ଚେତାବନୀ ଦେଇଛନ୍ତି ।