Home ରାଜ୍ୟ ଆସୁଛି ବର୍ଷା ଉଜାଡ଼ି ଦେବ ଚାଷୀ ଭରଷା !

ଆସୁଛି ବର୍ଷା ଉଜାଡ଼ି ଦେବ ଚାଷୀ ଭରଷା !

ଭୁବନେଶ୍ୱର: ମାଡି ଆସୁଛି ବାତ୍ୟା ‘ପେଥାଇ’ । ତେବେ ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି ଏହାର ପ୍ରଭାବରେ ଓଡିଶାରେ ବର୍ଷା ହେବାର ସମ୍ଭବାନା ରହିଛି । ଯେଉଁ କାରଣରୁ ଚିନ୍ତାରେ ଚାଷୀପୁଅ । ତେବେ ବର୍ଷା ପାଇଁ କେଉଁଠି ଚାଷୀପୁଅ ଜମିରୁ ଧାନ ଆଣୁଛି ତ ଆଉ କେଉଁଠି ଅମଳ ହୋଇଥିବା ଧାନକୁ ଥଇଥାନ ପାଇଁ ଅଣ୍ଟା ଭିଡିଛି । ଯଦି ବର୍ଷା ଦୁଇଟୋପା ହୋଇଯାଏ ତାହେଲେ ଅମଳ ହୋଇଥିବା ଧାନ ସବୁ ପାଣିରେ ଭାସି ଯିବ । ଆଉ ଚାଷୀପୁଅର ଉଜୁଡି ଯିବ ଧନଜୀବନ । ଏହି ଚାଷ କରିବା ପାଇଁ କେତେ ଯେ ଚାଷୀ ପୁଅ ନିଜର ମୁଣ୍ଡ ଝାଳ ତୁଣ୍ଡରେ ମାରି ଫସଲକୁ ବଢାଇଛି ତାହା କଳ୍ପନା କରିହେବ ନାହିଁ । ସେପଟେ ବର୍ଷାକୁ ନେଇ ଚିନ୍ତାରେ ସମୂଦ୍ରକୂଳିଆ ଅଂଚଳ ପୁରୀ ଜିଲ୍ଲା ଅସ୍ତରଙ୍ଗ ଚାଷୀ । କେତେକ ଚାଷୀମାନେ ଧାନକୁ କାଟି ଘରକୁ ଆଣିବା ପାଇଁ ଚେଷ୍ଟା ଚଳାଇଛି ତ ଆଉ କିଏ ଟ୍ରାକ୍ଟରରେ ଲଦି ଖଳାକୁ ଆଣୁଛି । ତେବେ ଖାଲି ସେତିକି ନୁହେଁ ବର୍ଷା ହେବା ଦ୍ୱାରା ଧାନ ସହିତ ପରିବା ଫସଲ ମଧ୍ୟ ନଷ୍ଟ ହୋଇଯିବ । ଯାହା ପାଇଁ ଅସ୍ତରଙ୍ଗର ବହୁଚାଷୀ ମନରେ ଛନକା ପଶିଛି । ସେପଟେ କେନ୍ଦ୍ରୁଝରର ଭାତହାଣ୍ଡି କୁହାଯାଉଥିବା ହାଟଡିହି ଅଂଚଳରେ ମଧ୍ୟ ବର୍ଷା ଆତଙ୍କ ଦେଖିବାକୁ ମିଳିଛି । ହେଲେ ଏଠାରେ ସମସ୍ୟା ଟିକି ଭିନ୍ନ ପ୍ରକାର। ତେବେ ବର୍ଷା ଆସୁଥିବା ବେଳେ ଏଯାଏଁ ବ୍ଲକରେ ସରକାରୀ ମଣ୍ଡି ଖୋଲିନାହିଁ । ଫଳରେ ଶାସଙ୍ଗ ଗାଁର ଚାଷୀ ଅମଳ ଧାନକୁ ଖୋଲା ଆକାଶ ତଳେ ରଖି ମଣ୍ଡିକୁ ଅପେକ୍ଷା କରିଛନ୍ତି । ବର୍ଷା ଆଗରୁ ମଣ୍ଡି ନଖୋଲିଲେ ଚାଷୀ ଆନ୍ଦୋଳନକୁ ଓହ୍ଲାଇବେ ବୋଲି ଚେତବାନୀ ଦେଇଛନ୍ତି ।