Home ରାଜ୍ୟ ଭୁବନେଶ୍ୱରରୁ ଗହଣା କିଣିଲେ ମାଧୁରୀ

ଭୁବନେଶ୍ୱରରୁ ଗହଣା କିଣିଲେ ମାଧୁରୀ

ଭୁବନେଶ୍ୱର -ହକି ବିଶ୍ୱକପ୍‌ ଉଦ୍‌ଘାଟନୀ ସମାରୋହରେ ନିଜର ଜଲଓ୍ବା ଦେଖାଇବା ପରେ ବୁଧବାର ଭୁବନେଶ୍ୱରରେ ବୁଲି ଶପିଂ କରିଥିଲେ ବଲିଉଡ୍‌ର ଏଭରଗ୍ରୀନ୍‌ ବିୟୁଟି ମାଧୁରୀ ଦୀକ୍ଷିତ। ଏକ ଜୁଏଲେରି ଦୋକାନରେ ମାଧୁରୀ ପ୍ରାୟ ୧ ଘଣ୍ଟା କାଳ ରହି ନିଜ ମନପସନ୍ଦର ସାମଗ୍ରୀ କିଣିଥିଲେ। ଓଡ଼ିଶାର ତାରକସୀ ସାମଗ୍ରୀ ବିଶ୍ୱ ଦରବାରରେ ପ୍ରସିଦ୍ଧି ଲାଭ କରିଥିବାରୁ ଏହି ବଲିଉଡ୍‌ କୁଇନ୍‌ ଏଠାରୁ ରୁପାରେ ତିଆରି ତାରକସୀ ସାମଗ୍ରୀ କିଣିଥିଲେ। ତାରକସୀ କାମ ଥିବା ଗଣେଶଙ୍କର ଏକ ବଡ଼ ମୂର୍ତ୍ତି, ମହାପ୍ରଭୁ ଶ୍ରୀଜଗନ୍ନାଥଙ୍କ ମୂର୍ତ୍ତି ସହ ପ୍ରାୟ ୧ ଲକ୍ଷ ଟଙ୍କାର ସୁନା ଅଳଙ୍କାର କିଣିଥିବା ସୂଚନା ମିଳିଛି। ଅନ୍ୟପକ୍ଷରେ ସ୍ମାର୍ଟ ସିଟିରେ ମାଧୁରୀଙ୍କୁ ଦେଖିବାକୁ ବୁଧବାର ପ୍ରବଳ ଭିଡ଼ ଜମିଥିଲା। ହକି ବିଶ୍ୱକପ୍‌ ଉଦ୍‌ଘାଟନୀ ସମାରୋହରେ ଯୋଗଦେବାକୁ ମାଧୁରୀ ଗତ ସୋମବାରରୁ ଭୁବନେଶ୍ୱର ଆସିଥିବା ବେଳେ ତାଙ୍କ ଉପସ୍ଥିତି କାର୍ଯ୍ୟକ୍ରମକୁ ଉପଭୋଗ୍ୟ କରିଥିଲା। ‘ମଦର୍‌ ଆର୍ଥ’ ରୂପରେ ସେ ଦର୍ଶକଙ୍କ ମନ ଜିଣିଥିଲେ। ପଞ୍ଚତତ୍ତ୍ୱକୁ ନିଜ ନୃତ୍ୟ ଓ ଅଭିନୟ ମାଧ୍ୟମରେ ବେଶ୍‌ ଆକର୍ଷଣୀୟ ଶୈଳୀରେ ଦର୍ଶାଇଥିଲେ।