Home ରାଜ୍ୟ ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ; ଓଡ଼ିଶାର ସ୍ୱାର୍ଥ ସମ୍ବଳିତ ପ୍ରସଙ୍ଗ ଉଠାଇବେ ନବୀନ, ମାନିବାକୁ ନାରାଜ ବିରୋଧି...

ମୁଖ୍ୟମନ୍ତ୍ରୀଙ୍କ ଦିଲ୍ଲୀ ଗସ୍ତ; ଓଡ଼ିଶାର ସ୍ୱାର୍ଥ ସମ୍ବଳିତ ପ୍ରସଙ୍ଗ ଉଠାଇବେ ନବୀନ, ମାନିବାକୁ ନାରାଜ ବିରୋଧି !

558

ଭୁବନେଶ୍ୱର: ଆଜି ସଂନ୍ଧ୍ୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଲ୍ଲୀ ଅଭିମୁଖେ ବାହାରିବେ । ଏହି ଦୁଇ ଦିନିଆ ଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ ଓଡ଼ିଶାର ସ୍ୱାର୍ଥ ସମ୍ବଳିତ ଉଠାଇବା ସହ ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା ହେବା ନେଇ ସୂଚନା ମିଳିଛି । ଆଉ କିଛି ମାସ ମଧ୍ୟରେ ନିର୍ବାଚନ ଆସୁଥିବା ବେଳେ ରାଜ୍ୟରେ ନିର୍ବାଚନ ବାତାବରଣ ସୃଷ୍ଟି ହେଲାଣି । ସାରା ଦେଶରେ ବିଜେପି ବିପକ୍ଷରେ ଦେଶର ଅନେକ ଅଂଚଳିକ ଦଳ ମେଂଟ ବାନ୍ଧୁଥିବା ବେଳେ ନବୀନ ନିଜକୁ ସମଦୂରତା କଥା କହି ମେଂଟରୁ ଦ୍ୱରାଇ ଯାଇଥିଲେ । ଠିକ୍ ଏତିକି ବେଳେ ନବୀନଙ୍କ ୨ ଦିନିଆ ଦିଲ୍ଲୀ ଗସ୍ତ ବିଜେପି ଓ ଏନଡ଼ିଏ ଆଡ଼ୁକୁ ଢଳୁଥିବା ଇସାରା ଦେଉଛି । ଭିନ୍ନଭିନ୍ନ ଦୁର୍ନୀତିରେ ତଥା ଖଣି,ଚିଟଫଣ୍ଡରେ ରାଜ୍ୟ ସରକାରଙ୍କୁ ସିବିଆଇ ଘାଣ୍ଟୁଥିବା ବେଳେ ନିଜକୁ ଓ ନିଜ ଦଳକୁ ସୁରକ୍ଷା ଦେବା ପାଇଁ ନବୀନ ମୋଦିଙ୍କ ସରଣ ପଶୁଥିବା ଉଭୟ ବିରୋଧି କଂଗ୍ରେସ ଓ ବିଜେପି ଅଭିଯୋଗ କରିଛନ୍ତି । ହେଲେ ବିରୋଧିଙ୍କ କଥାକୁ ଗୁରୁତ୍ୱ ନଦେଇ ରାଜ୍ୟବାସୀଙ୍କ ସ୍ୱାର୍ଥକୁ ଆପଣାର କରି କେନ୍ଦ୍ର ସରକାରଙ୍କ ନିକଟରେ ହକ୍ ମାଗିବା ପାଇଁ ମୁଖ୍ୟମନ୍ତ୍ରୀ ଦିଲ୍ଲୀ ଗସ୍ତ କରିଥିବା ଶାସକ ଦଳ ଯୁକ୍ତି ରଖିଛି । ଅନ୍ୟପଟେ ବିରୋଧି ଏହାକୁ ସ୍ୱୀକାର କରିବାକୁ ନରାଜ । ରାଜ୍ୟର ବିରୋଧି କଂଗ୍ରେସ କହିଛି ‘ ଉପରାଷ୍ଟପତି ନିର୍ବାଚନରେ ବିଜେପିର ହାତ ଧରିଲେ, ଟ୍ରିପିଲ ତଲାକରେ ରାଜ୍ୟସଭା ଲୋକସଭାରେ ସମର୍ଥନ କଲେ, ବିମୁଦ୍ରିକରଣ, ଜିଏସଟି ଭଳି ଜନମାରଣ ବିଲକୁ ମଧ୍ୟ ବିଜେପିକୁ ବଳ ଦେଲେ । ଏହାସହ ୧୦% ସରକ୍ଷଣ ବିଲରେ ନବୀନ ମୋହର ମାରିବା ସହ ପୂର୍ବରୁ ରାଜ୍ୟସଭା ଅଧ୍ୟକ୍ଷରେ ପୂର୍ଣ୍ଣ ସମର୍ଥନ ଦେଇଥିଲା । ଯାହା ନବୀନ ସମଦୂରତାର କଥା କହୁଥିବା ବାସ୍ତବରେ ବାରି ହେଇଯାଉଥିବା କଂଗ୍ରେସ କଟାକ୍ଷ କରୁଛି । ଅନ୍ୟପରେ ବିଜେପି ବିରୋଧରେ ଦେଶରେ ଅଂଚଳି ଦଳର ମେଂଟକୁ ମଧ୍ୟ ନବୀନ ସମର୍ଥନ କରିନାହାନ୍ତି । କେସିଆରଙ୍କ ସହ ମେଂଟ କରି ଦେଶ ରାଜନୀତିରେ ଛେପ ଛାଡ଼ିବା ପ୍ରଭାବ ଶୂନ୍ୟ ହୋଇଛି । ଠିକ୍ ଏତିକିବେଳେ ମୁଖ୍ୟମନ୍ତ୍ରୀ ଦିଲ୍ଲୀ ଗସ୍ତ ବିରୋଧିଙ୍କ ସମାଲୋଚନା କରିବା ପାଇଁ ସୁଯୋଗ ସୃଷ୍ଟି କରିଛି ।