Home ରାଜ୍ୟ ଚାନ୍ଦବାଲି ଚଢଦିଆ ପଂଚାୟତରେ ମହିଳାଙ୍କୁ ତତାଇଲା ସରକାରୀ ମଦ; ବ୍ୟବସାୟୀକୁ ଗଛରେ ବାନ୍ଧି ପିଟିଲେ !

ଚାନ୍ଦବାଲି ଚଢଦିଆ ପଂଚାୟତରେ ମହିଳାଙ୍କୁ ତତାଇଲା ସରକାରୀ ମଦ; ବ୍ୟବସାୟୀକୁ ଗଛରେ ବାନ୍ଧି ପିଟିଲେ !

ଭଦ୍ରକ: ପୁଣି ମହିଳାଙ୍କୁ ତତାଇଲା ସରକାରୀ ମଦ । ଆଜି ଚାନ୍ଦବାଲି ବ୍ଲକ୍ ଚଢଦିଆ ପଂଚାୟତରେ ବେଆଇନ ଚୋରା ମଦକୁ ନେଇ ମେଳି ବାନ୍ଧିଲେ ମହିଳା । ବହୁ ଦିନରୁ ଚୋରା ମଦ କାରବାର ଅଭିଯୋଗରେ ୨ ଜଣ ପୁରୁଷ ଜଣେ ମହିଳାଙ୍କୁ ଅଟକ ରଖିବା ସହ ସେମାନଙ୍କ ଠାରୁ ଚୋରା ମଦକୁ ଜବତ କରିଛନ୍ତି । ଏହାସହ ନିଶା ନିବାରଣ ସଂଗଠନର ମହିଳାମାନେ ମଦ ବ୍ୟବସାୟୀଙ୍କୁ ଗଛରେ ବାନ୍ଧି ନିର୍ଧୂମ ପିଟିଛନ୍ତି । ଖବରପାଇଁ ସରପଂଚ ଘଟଣାସ୍ଥଳରେ ପହଂଚି ପୋଲିସଙ୍କୁ ଖବର ଦେଇଥିଲେ । ସଂଗଠନ ବହୁ ଦିନ ହେବ ନିଶା ନିବାରଣ ଅଭିଯାନ କରି ସଚେତନ କରୁଥିଲେ ମଧ୍ୟ ଚୋରା ମଦ ବ୍ୟବସାୟୀଙ୍କ ଉପରେ କୌଣସି ପ୍ରଭାବ ପଡ଼ୁନଥିଲା । ଏପରିକି ଜିଲ୍ଲା ପ୍ରଶାସନ ଓ ପୋଲିସଙ୍କ ନିକଟରେ ଅଭିଯୋଗ କରିଥିଲେ ମଧ୍ୟ ଫଳଶୂନ୍ୟ ଥିଲା । ମହ÷ିଳାମାନେ ଉପାୟ ଶୂନ୍ୟ ହୋଇ ଏପରି କାର୍ଯ୍ୟ କରିଥିବା କହିଛନ୍ତି । ଯଦି ପ୍ରଶାସନ ଏପରି ଚୋରା ମଦକୁ ବନ୍ଦ କରିବା ସହ ଅସାଂଧୁ ଲୋକଙ୍କୁ ଗିରଫ ନକରେ ତେବେ ଆନ୍ଦୋଳନ ଭୟାଭୟ ହେବା ନେଇ ଚେତାବନୀ ଦେଇଛନ୍ତି ।