Home ରାଜ୍ୟ ପୁଣି ଦବିଲା ତାଳଚେର; ଗୁହାରୀ କଲେ ଶୁଣୁନି ସରକାର, କମ୍ପାନୀ ଓ ସରକାରଙ୍କ ଏ ଅସାଧୁ...

ପୁଣି ଦବିଲା ତାଳଚେର; ଗୁହାରୀ କଲେ ଶୁଣୁନି ସରକାର, କମ୍ପାନୀ ଓ ସରକାରଙ୍କ ଏ ଅସାଧୁ ମେଂଟ, ବାନ୍ଧିଲାଣି ଜନଆନ୍ଦୋଳନ !

ତାଳଚେର: ବୋଲରେ ନାହିଁ ସରକାରଙ୍କ ଖଣି ନୀତି । ଗତକାଲି ତାଳଚେର ଥାନା ନିକଟ ଏକ ପକ୍କାଘର ଦବି ଯିବା ଫଳରେ ସାରା ତାଳଚେରବାସୀଙ୍କ ନିଦ ଉଡ଼ାଇ ଦେଇଛି । ସରକାରଙ୍କ କମ୍ପାନୀ ତୋଷଣ ନୀତିକୁ ନେଇ ତାଳଚେରବାସୀ ଏକ ହୋଇ ସରକାର ବିରୋଧରେ ଆନ୍ଦୋଳନ ଡ଼ାକରା ଦେଇଛି । ଆଜି ବାଇପାସ ଛକ ନିକଟରେ ଶତାଧିକ ଲୋକ ୫୩ ନମ୍ବର ଜାତୀୟ ରାଜପଥ ଅପରୋଧ କରିବା ସହ କୋଇଲା ପରିବହନକୁ ଠପ୍ କରି ଦେଇଛନ୍ତି । ସରକାର ଓ କମ୍ପାନୀ ମଧ୍ୟରେ ସଲାସୁତରା ହୋଇ ବର୍ଷ ଧରି ଖଣିକୁ ଲୁଟ୍ କରିଥିବା ବେଳେ ଖଣିନୀତିକୁ ପାଦରେ ଦଳି ଦେଇଛନ୍ତି । ଗତକିଛିବର୍ଷ ହେବ ଏମସିଏଲ ଓ ଚମ୍ପାପଶି ଖଣିରୁ କୋଇଲା ସରିଯିବା ପରେ ମାଲିକ ମାଲେମାଲ୍ ହୋଇ ଚାଲିଯିବା ପରେ ଖଣିରେ ହୋଇଥିବା ଗର୍ତ୍ତକୁ ବାଲି ଭର୍ତ୍ତି ନକରି ଫେରାର ହୋଇଯାଇଛି । ସରକାରଙ୍କ ଖଣିନୀତି ନିୟମକୁ ପାଦରେ ଦଳି ଦେବାସହ ଖୋଲମଖୁଲା ଉଲ୍ଲଂଘନ ହୋଇଛି । ଯାହାଦ୍ୱାରା ସହରବାସୀଙ୍କ ପାଇଁ ବିପଦ ସୃଷ୍ଟି କରିଛି । ଯାହାକୁ ନେଇ ରାଜନେତା ଠାରୁ ଆରମ୍ଭ କରି ପ୍ରଶାସନ ନିକଟରେ ଗୁହାରୀ କରିଥିଲେ ମଧ୍ୟ କିଛି ସୁଫଳ ମିଳିନାହିଁ । ଯାହାକୁ ନେଇ ସରକାର ବିରୋଧରେ ଜନଆନ୍ଦୋଳନ ହେଉଥିବା ଦେଖିବାକୁ ମିଳିଛି ।