Home ଦେଶ- ବିଦେଶ ବିଜେପି ଚାଣକ୍ୟଙ୍କୁ ସାଇନ୍ ଫ୍ଲୁ ; ନିକଟ ନିର୍ବାଚନ ରାଜନୀତିର ଅଙ୍କ କଷିବ କିଏ ?

ବିଜେପି ଚାଣକ୍ୟଙ୍କୁ ସାଇନ୍ ଫ୍ଲୁ ; ନିକଟ ନିର୍ବାଚନ ରାଜନୀତିର ଅଙ୍କ କଷିବ କିଏ ?

393

ନୂଆଦିଲ୍ଲୀ: ଆଉ କିଛି ମାସ ପରେ ଦେଶରେ ସାଧାରଣ ନିର୍ବାଚନ ନିକଟତର ହେଉଥିବା ବେଳେ ବିଜେପିକୁ ଲାଗିଛି ଝଟକା । ବିଜେପି ଚାଣକ୍ୟ ତଥା ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହଙ୍କୁ ହୋଇଛି ସାଇନ୍ ଫ୍ଲୁ । ଗତକାଲି ଠାରୁ ଚିକିତ୍ସା ପାଇଁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିବା ବେଳେ ଯୁଦ୍ଧକାଳିନ ଭିତ୍ତିରେ ଡ଼ାକ୍ତରମାନେ ଚିକିତ୍ସା କରୁଛନ୍ତି । ଏପରି ଦୁଃସମ୍ବାଦକୁ ଶାହା ନିଜେ ଟ୍ୱିଟ୍ କରି ଜଣାଇଛନ୍ତି । ଯାହାକୁ ନେଇ ଦେଶ ବିଜେପି ଶିବିରକୁ ଶାନ୍ତ କରି ଦେଇଛି । ଆଗାମୀ ଜାନୁୟାରୀ ୧୮ ତାରିଖରେ କଟକ ସାଲେପୁରେ ହେବାକୁ ଥିବା କାର୍ଯ୍ୟକ୍ରମକୁ ବାତିଲ କରାଯାଇଛି । ରାଜ୍ୟ ବିଜେପି ଉପସଭାପତି ସମୀର ମହାନ୍ତି ଶାହଙ୍କ ଅସୁସ୍ଥା କାରଣରୁ ଗସ୍ତକୁ ବାତିଲ କରାଯାଇଥିବା ସୂଚନା ଦେଇଛନ୍ତି । ଏହି କାର୍ଯ୍ୟକ୍ରମକୁ ବାତିଲ କରାଯାଇଥିବା ବେଳେ ଶାହଙ୍କ ଗସ୍ତ କେବେ ହେବ ତାହା ସ୍ଥିର ହୋଇନଥିବା ଜଣା ପଡ଼ିଛି । ଶାହଙ୍କ ଅସୁସ୍ଥ ହେବା ପରେ ବିଭିନ୍ନ ମହଲରୁ ଶୁଭେଚ୍ଛା ଓ ଶୁଭକାମନାର ଶୁଅ ଛୁଟିଛି । ବିଶେଷକରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , କେନ୍ଦ୍ରମନ୍ତ୍ରୀ ଜୁଏଲ ଓରାମ, ସ୍ମୁତି ଇରାନି, ରାଜ୍ୟ ବିଜେପି କାର୍ଯ୍ୟାଳୟ ପକ୍ଷରୁ ଆଶୁ ଆରୋଗ୍ୟ କାମନା କରାଯାଇଛି । ଏହା ସହ ଆଗାମୀ ୨୪ ତାରିଖରେ ପଶ୍ଚିମବଙ୍ଗରେ ହେବାକୁ ଥିବା କାର୍ଯ୍ୟକ୍ରମକୁ ମଧ୍ୟ ବାତିଲ କରାଯାଇଥିବା ଜଣାପଡ଼ିଛି ।