Home ରାଜ୍ୟ ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଫାଇନ୍ ।

ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଫାଇନ୍ ।

ଗଞ୍ଜାମ: ଛେପ ପକାଇଲେ ପଡିବ ଫାଇନ । ସର୍ବସାଧାରଣ ସ୍ଥାନରେ ଛେପ ପକାଇଲେ ଦେବାକୁ ପଡିବ ଜରିମାନା । ବାହାରେ ଏଣେତେଣେ ଛେପ ପକାଇବା ଉପରେ ଲାଗିଲା କଟକଣା । ସର୍ବସାଧାରଣ ସ୍ଥାନରେ ଛେପ ପକାଇଲେ ୫୦୦ ଟଙ୍କା ଫାଇନ ପଡିବ । ଗଞ୍ଜାମ ଜିଲ୍ଲାରେ ଲାଗୁ ହେଲା ନିୟମ । ଏଥିସହ ଦୁଇରୁ ଅଧିକ ଜଣ ଏକାଠି ହେବା ଉପରେ କଟକଣା ଲଗାଯାଇଛି । ତେବେ ଜରିମାନା ନେଇ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ନିଷ୍ପତ୍ତି । ଟ୍ୱିଟ କରି ସୂଚନା ଦେଲା ଜିଲ୍ଲା ପ୍ରଶାସନ ।

 

ତେବେ ଛେପ ପକାଇବା ଉପରେ କଟକଣା ଲଗାଇବା ସହ ମାସ୍କ ପିନ୍ଧିବା ବି ବାଧ୍ୟତାମୂଳକ କରାଯାଇଛି । ପୂର୍ବରୁ ଜିଲ୍ଲା ପ୍ରଶାସନ ମାସ୍କ ଉପରେ କଟକଣା ଲଗାଇଥିଲେ । ବିନା ମାସ୍କରେ ଘରୁ ବାହାରିବା ଉପରେ କଟକଣା ଜାରି ହୋଇଥିଲା । ଘରୁ ଗୋଡ କାଢିବେ ମାନେ ସମସ୍ତେ ମାସ୍କ ପିନ୍ଧିବା ବାଧ୍ୟତାମୂଳକ । ସହରାଞ୍ଚଳରେ ବିନା ମାସ୍କରେ କେହି ବାହାରକୁ ବାହାରିଲେ ୧୦୦୦ ଟଙ୍କା ଫାଇନ ଗଣିବେ ଆଉ ଗ୍ରାମାଞ୍ଚଳରେ ମାସ୍କ କଟକଣା ଉଲ୍ଲଙ୍ଘନ କଲେ ୫୦୦ ଟଙ୍କା ଜରିମାନା ଲାଗୁ କରିଥିଲା ଜିଲ୍ଲା ପ୍ରଶାସନ ।