କେନ୍ଦ୍ରାପଡ଼ା : କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକର କଣ୍ଡିରା ଗାଁରେ ଚାଲିଛି ଅପରାଧର କାରନାମା । ଚାଲିଛି ରଣା ସାପର କାରବାର । ଏହି ଅପରାଧ କାରବାରରେ ଅଛନ୍ତି ୧୫ ଜଣ ଦୁର୍ଦ୍ଦାନ୍ତ ଅପରାଧୀ ଏବଂ ସେମାନଙ୍କ ସହ ଅଛନ୍ତି ୧୫୦ ଯୁବକ । ଯାହାଙ୍କୁ ନେଇ ଏହି ରାକେଟ କାମରୁଛି ଏହି ରାକେଟ୍ ରେ ରହୁଛନ୍ତି ଅଧିକାଂଶ କଲେଜ ଛାତ୍ର । ସୂଚନା ଅନୁଯାଇ ଭିତରକନିକା ଜାତୀୟ ଉଦ୍ୟାନ ମଧ୍ୟରୁ ରଣା ସାପ ଚାଲାଣ କରୁ କରୁ ବିଭିନ୍ନ ପ୍ରକାରର ଚୋରିରେ ଧୀରେ ଧୀରେ ସାମିଲ ହୋଇଥିଲେ । ସେହି ଯୁବକ ଗୁଡିକ ଅନ୍ୟ ଅପରାଧୀଙ୍କ ସହ ମିଶି ଅନ୍ୟ କାରବାର ମଧ୍ୟ ଲିପ୍ତ ରହୁଥିଲେ । ସେମାନଙ୍କ ଏହି ଗ୍ୟାଙ୍କୁ ସକ୍ରିୟ କରିବା ପାଇଁ ହ୍ୱାଟ୍ସଆପ ଗ୍ରୁପ କରି ସେଠାରେ ସବୁବେଳ ପାଇଁ ସକ୍ରିୟ ରହୁଥିଲେ । ରାଜନଗର, ଆଳି, ପଟ୍ଟାମୁଣ୍ଡାଇ, ଭୁବନେଶ୍ୱରର କିଛି ଅପରାଧି ଓ ଯୁବକ ଏହି ଗ୍ରୁପରେ ସାମିଲ ହୋଇଥିଲେ। ଏହି ଗ୍ୟାଙ୍ଗର ଯୁବକମାନେ ବାଉଁଶମୂଳ ବଜାର, କଣ୍ଡିରା ପଂଚାୟତର ପଦ୍ମନାଭପୁର ଠାରେ ଥିବା ଚିଙ୍ଗୁଡିଘେରି, କୃଷ୍ଣନଗର, ପେଣ୍ଠ ବେଳାଭୂମି ଓ କୁରୁଂଟି ପଂଚାୟତର ପଶ୍ଚିମଭେଡା ଠାରେ ଥିବା ଏକ ଘରେ ଆଡ୍ଡା ଜମାଉଥିଲେ। ଭୁବନେଶ୍ୱରର ପୁରୁଣା ବସଷ୍ଟାଣ୍ଡ ଠାରେ ଜିଲ୍ଲା ବାହାରର ଅପରାଧୀଙ୍କ ସହ ଏକାଠି ହେଉଥିଲେ। ଏହି ଗ୍ୟାଙ୍ଗର ସଦସ୍ୟମାନେ ବିଭିନ୍ନ ସ୍ଥାନରେ ଚୋରି, ଡକାୟତି କରିଥାନ୍ତି।