ବାଲେଶ୍ୱର : ବାଲେଶ୍ୱର ଜିଲ୍ଲା ସୋର ଡାକ୍ତରଖାନାରେ ଜଣେ ଗର୍ଭବତୀ ମହିଳାଙ୍କ ମୃତ୍ୟୁ ଘଟିଛି । ଏହି ଘଟଣାକୁ ତିବ୍ରକରି ମୃତ ମହିଳାଙ୍କ ଭାଇ ହତ୍ୟା ହୋଇଥିବାର ଅଭିଯୋଗ କରିଛନ୍ତି । ସୂଚନା ଅନୁଯାଇ ତିନିବର୍ଷ ତଳେ ସୋର ଆଙ୍ଗୁଳା ସୋଲପଟା ଗ୍ରାମର ପ୍ରତାପ ରାଉତ ଖଇରା ସୁନ୍ଦରପୁର ଗ୍ରାମର କୈଳାସ ବେହେରାଙ୍କ ଝଇଅ ସସ୍ମିତାକୁ ଦୈଦିକ ରୀତିରେ ବିବାହ କରିଥିଲେ । ସକାଳେ ସସ୍ମିତାର ପେଟକାଟି ଗୁରୁତର ହୋଇ ପଡିବାରୁ ତାଙ୍କୁ ଶଶୁର ଘର ଲୋକ ଚିକିତ୍ସା କରିବାକୁ ସୋର ଡାକ୍ତରଖାନାକୁ ଆଣିଥିଲେ । ତାକୁ ଗୁରୁତର ଅବସ୍ଥାରେ ବାଳେଶ୍ୱର ନେବା ବେଳେ ବାଟରେ ତାର ମୃତ୍ୟୁ ଘଟିଥିଲା । ବିବାହ ସମୟରେ ନଗତ ୫୦ହଜାର ଟଙ୍କା ଯୌତୁକ ଦିଆଯାଇଥିବାର ସସ୍ମିତାର ଭାଇ ରବିନ୍ଦ୍ର ବେହେରା ସୋର ଥାନାରେ ଅଭିଯୋଗ କରିଛନ୍ତି । ବିବାହ ପର ଠାରୁ ଶଶୁର ଘର ଲୋକ ଅଧିକ ଯୌତୁକ ଦେବା ପାଇଁ ଦାବି କରି ଶାରିରିକ ଓ ମାନସିକ ନିର୍ଯ୍ୟାତନାର ଅଭିଯୋଗ ଆଣିଛନ୍ତି ସସ୍ମିତାଙ୍କ ଭାଇ । ସସ୍ମିତାକୁ ତାର ସ୍ୱାମୀ ଓ ଶାଶୁ ମାରି ଦେଇଥିବାର ରବୀନ୍ଦ୍ର ସୋର ଥାନାରେ ଅଭିଯୋଗ କରିବା ପରେ ପୁଲିସ୍ ଶବ ଜବତ କରି ତଦନ୍ତ କରୁଛି ।