Home ରାଜ୍ୟ କଂଗ୍ରେସର କପ୍ତାନ ରାହୁଲ ହୋଟେଲ ମେ ଫେୟାର ବୁଦ୍ଧିଜୀବୀ କାର୍ଯ୍ୟକ୍ରମରେ ବିଜେପି ଓ ବିଜେଡିକୁ ସମାଲୋଚନା...

କଂଗ୍ରେସର କପ୍ତାନ ରାହୁଲ ହୋଟେଲ ମେ ଫେୟାର ବୁଦ୍ଧିଜୀବୀ କାର୍ଯ୍ୟକ୍ରମରେ ବିଜେପି ଓ ବିଜେଡିକୁ ସମାଲୋଚନା !

1786

ଭୁବନେଶ୍ୱର: କଂଗ୍ରେସର କପ୍ତାନ ରାହୁଲ ଦିନିକିଆ ଓଡ଼ିଶାଗସ୍ତରେ ଆସି ହୋଟେଲ ମେ ଫେୟାର ଏକ ବୁଦ୍ଧିଜୀବୀ କାର୍ଯ୍ୟକ୍ରମରେ ରାଜ୍ୟ ଓ କେନ୍ଦ୍ର ସରକାରଙ୍କୁ ତିବ୍ର ସମାଲୋଚନା କରିଛନ୍ତି । ରାଜ୍ୟ ସରକାରଙ୍କୁ ଟାର୍ଗେଟ କରି କହିଲେ ଦୀର୍ଘ ୧୯ବର୍ଷରେ ପ୍ରଥମ କରି ମୁଖ୍ୟମନ୍ତ୍ରୀଙ୍କ ଚାଷୀଙ୍କ କଥା ମନେ ପଡ଼ିଥିବା ପ୍ରକାଶ କରିଛନ୍ତି । ରାଜ୍ୟ ସରକାରଙ୍କ କାଳିଆ ଯୋଜନାକୁ କଡ଼ା ଭାଷରେ ସମାଲୋଚନା କରିଛନ୍ତି । କ୍ଷମତାକୁ ଆସିବାର ଦୀର୍ଘ ବର୍ଷ ପରେ ଚାଷୀଙ୍କ କଥା ମନେ ପଡ଼ିଲା କହି ମୁଖ୍ୟମନ୍ତ୍ରୀଙ୍କୁ ତାଚ୍ଛଲ୍ୟ କରିଛନ୍ତି । କଂଗ୍ରେସ ଛତିଶଗଡ଼, ମଧ୍ୟପ୍ରଦେଶ ଓ ରାଜସ୍ଥାନରେ ବିଜୟ ଓ ରାଜ୍ୟବାସୀଙ୍କୁ ଦେଇଥିବା ପ୍ରତିଶ୍ରୁତି ପାଳନ ପରେ ଏବେ ବିଜେପି ଓ ଆଞ୍ଚଳିକ ଦଳମାନଙ୍କ ମଧ୍ୟରେ ଛନକା ପଶିଥିବା କହିଛନ୍ତି । ଏପରିକି ଓଡ଼ିଶାର ଇତିହାସ ଓ ଚଣ୍ଡାଅଶୋକର ଜୀବନ ଇତିହାସକୁ ମଧ୍ୟ ଦୋହରାଇଥିଲେ । ଏହାସହ ରାଜ୍ୟରେ ଗଣତନ୍ତ୍ରର ଶାସନ ହଜିଯାଇଛି । ଏଠି ଅଫିସରଙ୍କ ରାଜ୍ ଚାଲିଥିବା ପ୍ରକାଶ କରିଛନ୍ତି । ଏହି ଏକଛତ୍ରବାଦ ଭାବେ ଅମଲାତନ୍ତ୍ରର ଶାସନ ଚଲିଥିବା କହି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । ଅନ୍ୟପଟେ ବିଜେପିର ଗଣ ସଂଗଠନ ଆରଏସଏସକୁ ତିବ୍ର ସମାଲୋଚନା କରିଛନ୍ତି । ଏହି ସଂଗଠନ ଦେଶର କୋଣେ ଅନୁକୋଣ ସାମ୍ପରଦାୟୀକତା ସୃଷ୍ଟି କରୁଛି । ସାରା ଦେଶରେ ହଂସା ସୃଷ୍ଟି କରୁଛି ବହୁ ଧନ ଜୀବନ ନଷ୍ଟ କରୁଛି ।