Home ରାଜ୍ୟ ତାତିଲା ବାସହରା, ମାନଲାନି ପୋଲିସର ଲାଠିବନ୍ଧୁକ !

ତାତିଲା ବାସହରା, ମାନଲାନି ପୋଲିସର ଲାଠିବନ୍ଧୁକ !

ପାରାଦୀପ: ତୈଳ ବିଶୋଧନାଗାରରେ ସ୍ଥାଇ ନିଯୁକ୍ତି ଦାବିରେ ତାତିଲେ ଜମିହରା । ଆଜି ଜମିହରା କୃଷକ ଏକତା ମଂଚ ଧାରଣା ଦେଇଥିବା ବେଳେ ପୋଲିସ ବଳପୂର୍ବକ ହଟାଇ ଦେଇଛି । ତୈଳ ବିଶୋଧନାଗାରରେ ୧୭୫୨ ପରିବାର ଜମି ହରାଇଥିବା ବେଳେ ସେମାନଙ୍କୁ ପ୍ରତିଶ୍ରୁତି ମୁତାବକ ସ୍ଥାଇ ନିଯୁକ୍ତି ଦେବାରେ ସରକାର ଟାଳଟୁଳ ନୀତି ବିରୋଧରେ ଆନ୍ଦୋଳନ ଡ଼ାକରା ଦିଆଯାଇଥିଲା । ଏନେଇ ସଂଘ ଗତ ୧ ତାରିଖରୁ କମ୍ପାନୀ ସମ୍ମୁଖରେ ଧାରଣାରେ ବସିଥିଲା । ତେବେ ଆସନ୍ତା ୬ ତାରିଖରେ କେନ୍ଦ୍ରମନ୍ତ୍ରୀ ପାରାଦୀପ ଗସ୍ତ ପର୍ଯ୍ୟନ୍ତ ଆନ୍ଦୋଳନ ଜାରି ରଖିବାକୁ ସ୍ଥିର କରାଯାଇଥିଲା । ଆଜି ଆନ୍ଦୋଳନକୁ ବାଟହୁଡ଼ା କରିବା ପାଇଁ କମ୍ପାନୀ କର୍ତୃପକ୍ଷ ପୋଲିସ ଲଗାଇ ଆନ୍ଦେଳନକାରୀଙ୍କ ଜୋର ଜବରଦସ୍ତ ଉଠାଇ ଦେଇଛି । ଅନ୍ୟପଟେ ଶତାଧିକ ଆନ୍ଦୋଳନକାରୀ ବଗଦିଆ ରାସ୍ତାରେ ଚାଷୀ ମୋଳିବାନ୍ଧି ବିରାଟ ପଟୁଆରରେ ପ୍ରତିବାଦ କରୁଥିବା ବେଳେ ପୋଲିସ ଏହାକୁ ରୋକିଥିଲା । ଯାହାକୁ ନେଇ କିଛିସମୟ ପାଇଁ ପୋଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ଧସ୍ତଧସ୍ତି ଓ ଖଣ୍ଡପ୍ରଳୟ ଦେଖିବାକୁ ମିଳିଥିଲା । ପୋଲିସର ଏପରି ଅଗଣନ୍ତ୍ରିକ କାର୍ଯ୍ୟକୁ ନେଇ ସାରା ଜିଲ୍ଲାରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି ।