Home ରାଜ୍ୟ ଭଦ୍ରକ ବାସୁଦେବପୁରେ ଧାରାବାହିକ ଷ୍ଟାଇଲିରେ ସାମ୍ବାଦିକଙ୍କୁ ଆକ୍ରମଣ; ପୋଲିସର ହାତଖାଲି ସଂଘର ନିନ୍ଦା !

ଭଦ୍ରକ ବାସୁଦେବପୁରେ ଧାରାବାହିକ ଷ୍ଟାଇଲିରେ ସାମ୍ବାଦିକଙ୍କୁ ଆକ୍ରମଣ; ପୋଲିସର ହାତଖାଲି ସଂଘର ନିନ୍ଦା !

ଭଦ୍ରକ: ସୋର ପରେ ବାରସୁଦେବପୁରେ ସାମ୍ବାଦିକଙ୍କୁ ଆକ୍ରମଣ । ସମ୍ବାଦ ପରିବେଷଣ କରିବାରୁ ସାମ୍ବାଦିକଙ୍କୁ ଭୁଜାଲିରେ ଆକ୍ରମଣ ହୋଇଛି । ଏପରି ଢଙ୍ଗରେ ଚୋରା ନିଶା ବ୍ୟବସାୟୀମାନେ ସାମ୍ବାଦିକଙ୍କୁ ଆକ୍ରମଣ କରିଛନ୍ତି କୌଣସି ମୋଗା ଧାରାବାହିକ ଓ ଚଳଚିତ୍ରକୁ ମଧ୍ୟ ପଛରେ ପକାଇ ଦେଇଛନ୍ତି । ଭଦ୍ରକ ଜିଲ୍ଲା ବାସୁଦେବପୁର ବ୍ଲକ୍ ସୁଦର୍ଶନପୁର ଗାଁରେ ଏପରି ଅମାନବୀକ କାର୍ଯ୍ୟ ଦେଖିବାକୁ ମିଳିଛି । ଗତକାଲି ରାତିରେ ମଦ ବ୍ୟବସାୟୀମାନେ ଶହ ଶହ ଲୋକଙ୍କ ଉପସ୍ଥିତିରେ ସାମ୍ବାଦିକଙ୍କୁ ଗୋଡ଼ାଇ ଗୋଡ଼ାଇ ଭୁଜାଲିରେ ନିର୍ମମ ଭାବେ ଆକ୍ରମଣ କରିଛନ୍ତି । ଏଥିରେ ସମ୍ବାଦିକଙ୍କ ଦେହ ଓ ମୁଣ୍ଡରେ ଗଭୀର ଆଘାତ ଲାଗିଥିବାରୁ ସ୍ଥାନୀୟ ଲୋକ ସୋର ମେଡ଼ିକାଲରେ ଭର୍ତ୍ତି କରିଛନ୍ତି । ସୂଚନାଅନୁଯାୟୀ କିଛି ଦିନ ହେବ ମଦବ୍ୟବସାୟୀଙ୍କୁ ପୋଲିସ ଗିରଫ କରିବାର ସମ୍ବାଦ ପରିବେଷଣ କରିଥିବା ରାଗରେ ଏପରି ଆକ୍ରମଣ କରିଥିବା ଆହତ ସାମ୍ବାଦିକ ଅଭିଯୋଗ କରିଛନ୍ତି । ଏହି ଆକ୍ରମଣକୁ ନେଇ ଥାନାରେ ଅଭିଯୋଗ ପରେ ପୋଲିସ ତଦନ୍ତର ବାହାନା କରୁଥିବା ବେଳେ ହାତ ଖାଲି କରି ବସିଛି । ଯାହାକୁ ନେଇ ବାସୁଦେବପୁର ବ୍ଲକ୍ ସାମ୍ବାଦିକ ସଂଘ ତିବ୍ର ନିନ୍ଦା କରିବାସହ ଅପରାଧିକୁ ତୁରନ୍ତ ଗିରଫ କରିବା ଦାବି ଉଠାଇଛି ।