Home ଦେଶ- ବିଦେଶ ଆୟକର ରିହାତି ସୀମା ୨.୫ ଲକ୍ଷରୁ ୫ ଲକ୍ଷକୁ ବଢାଇବା ଦ୍ୱନ୍ଦ ବଢାଇଲା !

ଆୟକର ରିହାତି ସୀମା ୨.୫ ଲକ୍ଷରୁ ୫ ଲକ୍ଷକୁ ବଢାଇବା ଦ୍ୱନ୍ଦ ବଢାଇଲା !

ନୂଆଦିଲ୍ଲୀ: ୨୦୧୯-୨୦ ବର୍ଷ ବଜେଟ ଉପସ୍ଥାପନ କଲେ ଅସ୍ଥାଇ ଅର୍ଥମନ୍ତ୍ରୀ ପିୟୁଷ ଗୋଏଲ । ଦେଶର ମଧ୍ୟବିତ୍ତ ପାଇଁ ସରକାର ବଡ଼ ଘୋଷଣା କରିଛନ୍ତି । ଆୟକର ରିହାତି ସୀମା ୨.୫ ଲକ୍ଷରୁ ୫ ଲକ୍ଷକୁ ବଢାଇଛନ୍ତି କାମଚଳା ଅର୍ଥମନ୍ତ୍ରୀ । ପୂର୍ବରୁ ଅଢେଇ ଲକ୍ଷ ଟଙ୍କା ଆୟ ଉପରେ ଟିକସ ଦେବାକୁ ପଡ଼ୁନଥିଲା । କିନ୍ତୁ ମୋଦି ସରକାରଙ୍କ ଶେଷ ବଜେଟରେ ବଡ଼ ଘୋଷଣା ବୋଲି ସାଧାରଣରେ ଚର୍ଚ୍ଚା ହେଉଛି । ଅନ୍ୟପଟେ ସାଢେ ୬ ଲକ୍ଷ ଟଙ୍କା ନିବେଶ ଉପରେ କୌଣସି ଟିକସ ଦେବାକୁ ପଡ଼ିବ ନାହିଁ ବୋଲି ଘୋଷଣା କରିଛନ୍ତି । ଏହା ଦ୍ୱାରା ଦେଶରେ ୩କୋଟି ମଧ୍ୟବିତ୍ତ ପରିବାର ଉପକୃତ ହେବା ନେଇ ସୂଚନା ଦେଇଛନ୍ତି । ଅନ୍ୟପଟେ ଏପରି ବଜେଟ ଏବେ ଅଡ଼ୁଆ ପରିସ୍ଥିତି ସୃଷ୍ଟି ହେଉଥିବା ଦେଖିବାକୁ ମିଳିଛି । ପୂର୍ବରୁ ମୋଦି ସରକାର ୧୦% ସରକ୍ଷଣ ବ୍ୟବସ୍ଥାରେ ୮ ଲକ୍ଷ ଆୟ କରୁଥିବା ନାଗରିକ ଏଥିରେ ସମ୍ପୃକ୍ତ ହେବେ । ତେବେ ୫ଲକ୍ଷ ଆୟ କରୁଥିବା ବ୍ୟକ୍ତି ରାଜକୋଷକୁ ଟିକସ ଦେବାକୁ ନେଇ ସାଧାରଣରେ ତିବ୍ର ଅସନ୍ତୋସ ପ୍ରକାଶ ପାଇଛି ।