Home ରାଜ୍ୟ ଆଜି ଭିନ୍ନକ୍ଷମ ଦିବସରେ ଭିନ୍ନ ଏକ ଜୀବନ…

ଆଜି ଭିନ୍ନକ୍ଷମ ଦିବସରେ ଭିନ୍ନ ଏକ ଜୀବନ…

113

ଧର୍ମଶଳା: (ନରେନ୍ଦ୍ର ଭଞ୍ଜଙ୍କ ରିପୋର୍ଟ) ଯେତେବେଳେ ଭାଗ୍ୟ ହାତ ଛାଡ଼ି ଦେଲା ସେତେବେଳେ ନବୀନଙ୍କ ଜନହିତକାରୀ ଯୋଜନା ମୋତେ ସାହାରା ଦେଲା । ଆଉ ଜୀବନର କଷଠି ପଛରେ ମୋତେ ଓ ମୋର ମାଆକୁ ଚାଲିବାକୁ ରାସ୍ତା ଦେଖାଇଲା । ଏପରି ଦୁଃସମୟ ଆସିଥିଲା ଯେଉଁ ସମୟରେ ପଡ଼ୋସୀ, ବନ୍ଧୁ ଆତ୍ମିୟ ହାତ ଛାଡ଼ି ଦେଇଥିଲେ । ସେହି ସମୟରେ କାଳେ ନବୀନଙ୍କ ଜନହିତାକାରୀ ଯୋଜନା ପୁଣି ବଂଚିବା ପାଇଁ ଆଶା ବାନ୍ଧିଲା । ଏପରି କୋହ ଭରା କଣ୍ଠରେ ଭିନ୍ନକ୍ଷମ ଦିବସରେ ମୁଖ୍ୟମନ୍ତ୍ରୀ ନବୀନଙ୍କୁ ପ୍ରଂସଶାରେ ପୋତି ଦେଇଛନ୍ତି । ଯାହାର କଥା ଆମେ କହିବାକୁ ଯାଉଛୁ ସେ ହେଉଛନ୍ତି, ଯାଜପୁର ଜିଲ୍ଲା ଧର୍ମଶଳା ବ୍ଲକ୍ ରାଇଛନ୍ଦା ପଂଚାୟତ କଂଟାପାଟଣା ଗାଁର ଭିନ୍ନକ୍ଷମ ବାବୁ ବିଜୟ ବେଜ ।
ଭିନ୍ନକ୍ଷମ ବାବୁ କୁହନ୍ତି ମତେ ଯେତେବେଳେ ୨ବର୍ଷ ସେତେବେଳେ ମୋର ବାପା ଏକ ସଡ଼କ ଦୁର୍ଘଟଣାରେ ଆରପାରିକୁ ଚାଲିଯାନ୍ତି । ଠିକ୍ ଏପରି ସମୟରେ ମୋର ଗରିବ ବିଧବା ମାଆ ଅନ୍ୟ ଘରେ ପାଇଟ କରି ମୋତେ ପାଠ ପଢାଇ ବଡ଼ ମଣଷ କରିବା ପାଇଁ ଦିନରାତି ଏକ କରି ଦେଉଥିଲା । ମାଆର ଭଙ୍ଗା ମନ ଏକମାତ୍ର ପୁଅକୁ ନେଇ ଯୋଡ଼ି ହେଉଥିବା ବେଳେ ଅକାଳରେ ଦଇଁବ ଦାଉ ସାଜିଲା । ବାବୁ ୧୦ମ ଶ୍ରେଣୀରେ ପଢୁଥିବା ବେଳେ ଚାଳ ମାଟି ଘର ସଜାଡ଼ିବା ପାଇଁ ଗାଁ ମୁଣ୍ଡରୁ ମାଟି ଆଣିବାରେ ମାଆକୁ ସାହାର୍ଯ୍ୟ କରୁଥିଲା । ମାଟି ତାଡ଼ୁଥିବା ବେଳେ ହଠାତ୍ ବାବୁଙ୍କ ଉପରେ ମାଟି ଅତରା ଖସିପଡ଼ିଲା । ଗୁରୁତର ଅବସ୍ଥାରେ କଟକ ବଡ଼ ମେଡ଼ିକାଲରେ ବ୍ୟୟବହୁଳ ଚିକିତ୍ସା ହୋଇଥିଲେ ମଧ୍ୟ ବାବୁ ଚାଲିବାରେ କିନ୍ତୁ ସକ୍ଷମ ହେଲେ ନାହିଁ । ଗରିବ ମାଆ ପୁଅକୁ ଭଲ କରିବା ପାଇଁ ଉଧାରି କରଜ କରିବା ସହ ଘରର ଆସବାପତ୍ର ଜମିବାଡ଼ି ବିକ୍ରିକରି ମେଡ଼ିକାଲରୁ ମେଡ଼ିକାଲ ବୁଲିଥିଲେ ମଧ୍ୟ ବାବୁ କିନ୍ତୁ ଶର୍ଯ୍ୟାରୁ ଉଠି ନଥିଲେ । ଶେଷରେ ଅସହାୟ ନିରୂପାୟ ହୋଇ ମାଆ ମେଡ଼ିକାଲରୁ ପୁଅକୁ ଧରି ଘରକୁ ଫେରିଥିଲା ।
ପୁଅକୁ ଅଶାବାଡ଼ି ଧରି ଚଲାଇବା ପାଇଁ ଅସହାୟ ବିଧବା ମାଆ, ସୁକିନ୍ଦାର ପୂର୍ବତନ ବିଧାୟକ ତଥା ମନ୍ତ୍ରୀ ପ୍ରଫୁଲ ଘଡ଼ାଇଙ୍କ ନିକଟରେ ଗୁହାରୀ କରିଥିଲା । ଆଉ ମନ୍ତ୍ରୀ କିଛି ଆର୍ଥିକ ସହାୟତା ଦେବା ସହ କ୍ୟାପିଟାଲ ହସ୍ପିଟାଲରେ ଚିକିତ୍ସା ପାଇଁ ନିର୍ଦ୍ଦେଶ ଦେଲେ । ମନ୍ତ୍ରୀଙ୍କ ଏହି ସହାୟତାର ଚିକିତ୍ସା ବାବୁଙ୍କୁ ଆଶା ବାଡ଼ି ଦେଇ ଚାଲିଥିବା ସର୍ବସମ୍ମୁଖରେ ମାଆ ପ୍ରକାଶ କରନ୍ତି । ଖାଲି ଏତିକିରେ ସରିନଥିଲା ବାବୁଙ୍କୁ ସରକାରୀ ସହାୟତା । ବାପାଙ୍କ ଦୁର୍ଘଟଣା ଜନିତ କ୍ଷତିପୂରଣ ତୁରନ୍ତ ଦେବା ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଥିଲେ । ଏହାସହ ବଂଚିତ ଥିବା ସରକାରୀ ଯୋଜନା ମଧ୍ୟ ପାଇଥିଲେ । ସରକାରଙ୍କ ଇନ୍ଦିରା ଆବସ ଯୋଜନା ଓ ମୋ କୁଡ଼ିଆ ଯୋଜନାରେ ଉଭୟ ମା ଓ ପୁଅ ଅନ୍ତର୍ଭୁକ୍ତ ହୋଇଥିବା ବେଳେ ପୁଅକୁ ଭିନ୍ନକ୍ଷମ ଭତା ଓ ମାଆକୁ ବିଧବା ଭତା ସହିତ ନବୀନଙ୍କ ଅନ୍ନପୂର୍ଣ୍ଣା ଯୋଜନା ମଧ୍ୟ ବଂଚିବା ପାଇଁ ସହାୟ ହୋଇଛି । ଏହାସହ ବିଧବା ମାଆକୁ ଅଙ୍ଗନୱାଡ଼ି କେନ୍ଦ୍ରରେ ସହାୟିକା ଭାବେ ଚାକିରୀ ମଧ୍ୟ ମିଳିଛି । ଯାହାକୁ ନେଇ ଭିନ୍ନକ୍ଷମ ବାବୁ ନବୀନଙ୍କୁ ପ୍ରଂସଶା କରିବାସହ ଫ୍ୟାନ୍ ବନି ଯାଇଛନ୍ତି । ଏପରିକି କର୍ମ କ୍ଷେତ୍ରରେ ଓ ବସରେ ଯାତ୍ରା କରୁଥିବା ବେଳେ ମଧ୍ୟ ନବୀନଙ୍କ ଚର୍ଚ୍ଚା ଆଲୋଚନା କରିବାରେ ପଛଘୂଞ୍ଚା ଦେଉନାହାଁନ୍ତି ।
ଏତିକିରେ ସରିନାହିଁ ଭିନ୍ନକ୍ଷମ ବାବୁଙ୍କ ଜୀବନ କାହାଣୀ । ରିଲ୍ ଭଳି ଲାଗୁ୍ଥିବା ବାବୁଙ୍କ ଜୀବନ କାହାଣୀ ବିଶ୍ୱାସ ନହେଲେ ବି ସତ । ଏପରି ଘାତ ପ୍ରତିଘାତ ମଧ୍ୟରେ ବଂଚିବା ଶିଖିଛନ୍ତି ଯାହା ଅନ୍ୟମାନଙ୍କ ପାଇଁ ଉଦାହରଣ ହେବ । ଭିନ୍ନକ୍ଷମ ବାବୁ କର୍ମରେ ମଧ୍ୟ ପଛରେ ପଡ଼ିନାହାଁନ୍ତି । ଗତକିଛି ବର୍ଷ ହେବ କଟକରେ ଏକ ଫାଇବର ଓଲଡ଼ିଂ ଦୋକାନ କରିଛନ୍ତି । ଯେଉଁଥିରେ ତାଙ୍କ ପରିବାର ଚଳାଇବା ସହ ଏକମାତ୍ର ଝିଅକୁ ପଢାଇବାରେ ସକ୍ଷମ ହୋଇଛନ୍ତି । ବାବୁଙ୍କ ଜୀବନ କାହାଣୀ ଏତେ ବିସ୍ତିର୍ଣ୍ଣ ଯାହା ଆପଣଙ୍କ ନିକଟରେ ଆଲୋଚନା କଲେ ସମ୍ଭବ ହେଉନାହିଁ । ଭିନ୍ନକ୍ଷମ ବାବୁଙ୍କ ଆଶା ନବୀନଙ୍କ ସହ ସାକ୍ଷାତ ଆଉ କିଛି ଆଳାପ ଯାହାକୁ ନେଇ ଗଣମାଧ୍ୟମ ନିକଟରେ ପ୍ରକାଶ କରିଛନ୍ତି ।