Home ରାଜ୍ୟ ବିଜ୍ଞାନ ପଦ୍ଧତିରେ ଚୋରି , ରାସାୟନିକ ପଦାର୍ଥ ଛିଞ୍ଚି ଝରକା ତାଡି ଲୁଟିନେଇଥିଲା ସମ୍ପତ୍ତି...

ବିଜ୍ଞାନ ପଦ୍ଧତିରେ ଚୋରି , ରାସାୟନିକ ପଦାର୍ଥ ଛିଞ୍ଚି ଝରକା ତାଡି ଲୁଟିନେଇଥିଲା ସମ୍ପତ୍ତି ,ଚୋରକୁ ଗିରଫ କଲା ପୁଲିସ !

କେନ୍ଦ୍ରାପଡା: ବିଜ୍ଞାନ ପଦ୍ଧତିରେ ଚୋରି । ଚୋରି କରିଥିବା ଚୋର ପୁଲିସ ହାତରେ ଗିରଫ ହୋଇଛି । ଏଭଳି ଘଟଣା ଘଟିଥିଲା କେନ୍ଦ୍ରାପଡା ଜିଲ୍ଲା ପଳାସପୁର ଗ୍ରାମରେ । ଗିରଫ ହୋଇଥିବା ଚୋର ଜଣଙ୍କ ହେଲେ କେନ୍ଦ୍ରାପଡ଼ା ଜିଲ୍ଲା ପଳାସପୁର ଗ୍ରାମର ରଶ୍ମିରଞ୍ଜନ ସାମନ୍ତରାୟ । ସୂଚନା ମୁତାବକ, କେନ୍ଦ୍ରାପଡା ଜିଲ୍ଲା ପଳାସପୁର ଗ୍ରାମରେ ବୁଧବାର ବିଳମ୍ବିତ ରାତିରେ ଏକ ଘରୁ ଚୋରି ହୋଇଥିଲା । ତେବେ ସେହି ଗ୍ରାମର ପ୍ରଦୀପ ମଳିକଙ୍କ ଘରକୁ ଚୋର ବାହାର ପଟୁ ତାଲା ପକାଇବା ସହ ଝରକା ତାଡି ପରିବାର ଲୋକଙ୍କ ଉପରେ ରାସାୟନିକ ପଦାର୍ଥ ପକାଇ ଅଚେତ କରିଦେଇଥିଲା । ଫଳରେ ସମସ୍ତେ ଅଚେତ ହୋଇପଡିଥିଲେ । ଏହାର ସୁଯୋଗ ନେଇ ରଶ୍ମୀ ଘରୁ ୩୦ ହଜାର ଟଙ୍କା ଦୁଇଟି ସୁନା ଚେନ ସମେତ ଅନ୍ୟାନ ଘରକରଣା ସାମଗ୍ରୀ ଲୁଟି ନେଇଥିଲା । ଅନ୍ୟପଟେ ତାପରଦିନ ସକାଳୁ ପରିବାର ସମସ୍ତଙ୍କର ନିଦ ଭାଙ୍ଗିପରେ ସବୁକିଛି ଚୋର କଳାକନା ବୁଲାଇ ଚାଲିଯାଇଥିବା ଜାଣିପାରିଥଲେ । ତେବେ ଏହି ଘଟଣା ସମ୍ପର୍କରେ ମାର୍ସାଘାଇ ପୁଲିସକୁ ଖବର ଦେଇଥିଲେ । ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ଏକ ନାଲି ଗାମୁଛା ଜବତ କରିଥିଲା । । ରଶ୍ମିରଞ୍ଜନ ଗ୍ରାମରୁ ଦୌଡିପଳାଇବା ସମୟରେ ଗ୍ରାମବାସୀ କାବୁ କରି ପୁଲିସର ଜିମା ଦେଇଥିଲେ । ଅଧିକ ତଦନ୍ତ ପାଇଁ ସନ୍ଧାନୀ କୁକୁର ସହ ପଳାସପୁର ଗ୍ରାମରେ ପହଞ୍ଚିଛି।