Home ରାଜ୍ୟ ବିଜେପି ପଞ୍ଜୁରୀରେ ମିଛୁଆ ମିଟୁ ସିବିଆଇ; କେନ୍ଦ୍ରମନ୍ତ୍ରୀ ଦେଇଥିବା ପ୍ରତିକ୍ରିୟା ସତ୍ୟ ହେଲା...

ବିଜେପି ପଞ୍ଜୁରୀରେ ମିଛୁଆ ମିଟୁ ସିବିଆଇ; କେନ୍ଦ୍ରମନ୍ତ୍ରୀ ଦେଇଥିବା ପ୍ରତିକ୍ରିୟା ସତ୍ୟ ହେଲା !

8967

ଭୁବନେଶ୍ୱର: ସତ୍ୟ ହେଲା ମିଛୁଆ ମିଟୁ କାହାଣୀ । ବିଜେପି ପଞ୍ଜରୀରେ ମିଛୁଆ ମିଟୁ ଶାରୀର ବାଣୀ ସତ୍ୟ ହେଲା । ବିଜେଡିର ଷ୍ଟାଇଲିସ୍ ବିଧାୟକ ଅରୁଣ ସାହୁ ଓ ଅତନୁ ସବ୍ୟସାଚୀ ନାୟକଙ୍କୁ ସିବିଆଇର ଅଚାନକ ଡାକରା ମିଛୁଆ ମିଟୁ କଥା ପରି ଲାଗୁଛି । କିଛି ମାସ ହେବ ଚିଟଫଣ୍ଡ ଦୁର୍ନୀତିରେ ସିବିଆଇ କୋମାରେ ଥିବା ବେଳେ ଗତକାଲି ହଠାତ ରାଜ୍ୟର ଚିଟଫଣ୍ଡ ଲୁଟେରାଙ୍କ କଥା ମନେ ପକାଇ ବାଉଳି ହୋଇଛି । ଅନ୍ୟପଟେ ବିଜେଡିର ଏହି ବିଧାୟକଙ୍କୁ କାହିଁକି ସିବିଆଇ ଟାର୍ଗେଟ କରୁଛି । ଗତ ୬ଜାନୁୟାରୀ ୨୦୧୯ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୟାଗଡ଼ ସଭାରେ କର୍ମୀମାନଙ୍କୁ ଉଦବୋଧନ ଦେବା ସମୟରେ ବିଧାୟକ ଅରୁଣ ସାହୁଙ୍କୁ ଚିଟଫଣ୍ଡ ଲୁଟେରା କହି ଟାର୍ଗେଟ କରିଥିଲେ । ଏହା କହିବାର କିଛି ଦିନ ମଧ୍ୟରେ ସିବିଆଇ ଗତକାଲି ବିଧାୟକ ଅରୁଣ ସାହୁଙ୍କୁ ନୋଟିସ କରିଛି । ଯାହାକୁ ନେଇ ସାରା ରାଜ୍ୟରେ ଚର୍ଚ୍ଚା ଆଲୋଚନା ଜୋର ଧରିଛି । କିପରି ଜାଣିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସିବିଆଇ ଆରୁଣଙ୍କୁ ନୋଟିସ କରିବ ? ଏହାକୁ ନେଇ ବିଜେପି ପଞ୍ଜୁରୀରେ ମିଛୁଆ ମିଟୁ ରହିଥିବା ସାଧାରଣରେ ଚର୍ଚ୍ଚା ହେଉଛି । ଅନ୍ୟପଟେ ଯୁବ ବିଧାୟକ ଅରୁଣ ସାହୁ କାଳେ ରାଜନୀତି ମଇଦାନରେ ବାରମ୍ବାର କେନ୍ଦ୍ରମନ୍ତ୍ରୀଙ୍କୁ ହରାଇଥିବା ଦେଖିବାକୁ ମିଳିଛି । ଅନ୍ୟ ଅର୍ଥରେ କହିବାକୁ ଗଲେ ସିବିଆକୁ ନେଇ ପୁରୁଣା ରାଗର ପ୍ରତିଶୋଧ ନେଇଥିବା ଚର୍ଚ୍ଚା ହେଉଛି । ପୂର୍ବରୁ ବାଣୀବିହାର ଛାତ୍ର ସଂସଦ ନିର୍ବାଚନରେ ଅରୁଣଙ୍କ ଠାରୁ ହାରିବାର ପ୍ରତିଶୋଧ ନେଇଥିବା ଅଭିଯୋଗ ଆସିଛି । ଏହାସହ ୨୦୦୯ ଯୁଥ ଆଇକନରେ ପ୍ରତିଯୋଗୀତାରେ ମଧ୍ୟ ପୁଣି ଥରେ ମାତ ଖାଇଥିଲେ କେନ୍ଦ୍ରମନ୍ତ୍ରୀ । ଏହି ଲଢେଇରେ ଅରୁଣଙ୍କୁ ୨ଲକ୍ଷ ୭୫ ହଜାର ଭୋଟ ମିଳିଥିବା ବେଳେ ମାତ୍ର କେନ୍ଦ୍ରମନ୍ତ୍ରୀଙ୍କୁ ମିଳିଥିବା ଲକ୍ଷେ ୨୫ ହଜାର । ଯାହାକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସିବିଆଇକୁ ଢାଲକରି ବିଜେଡି ବିଧାୟକଙ୍କ ଉପରେ ପ୍ରତିଶୋଧ ନେଉଛନ୍ତି । ଯାହାକୁ ନେଇ ରାଜ୍ୟର ବୁଦ୍ଧିଜୀବୀ ମହଲରେ ତିବ୍ର ଅସନ୍ତୋଷ ପ୍ରକାଶ ପାଇଛି ।