Home ରାଜ୍ୟ ଅଧରାତିରେ ଘରେ ପଶି ଆକ୍ରମଣ; ୧ ମୃତ, ୩ ଗୁରୁତର !

ଅଧରାତିରେ ଘରେ ପଶି ଆକ୍ରମଣ; ୧ ମୃତ, ୩ ଗୁରୁତର !

ବରଗଡ଼: ସାରା ପରିବାର ମାଣବସା ଗୁରୁବାର ପାଇଁ ପ୍ରସ୍ତୁତି ସାରି ବିଶ୍ରାମ ନେଉଥିବା ବେଳେ ହେଲା ଆକ୍ରମଣ । ଗତରାତି ୨ଟା ସମୟରେ କଳା ମୁଖା ପିନ୍ଧା ୪ ଦୁର୍ବୃତ ଧାରୁଅ ଅସ୍ତ୍ରରେ କଲେ ଆକ୍ରମଣ । ଏଥିରେ ପରିବାର ୩ଜଣ ଗୁରୁତର ହୋଇଥିବା ବେଳେ ଜଣେ ମହିଳାଙ୍କ ମୃତ୍ୟୁ ଘଟିଛି । ବରଗଡ଼ ଜିଲ୍ଲା ବିଜେପୁର ଥାନା ବୈରଖପାଲି ଗାଁର କ୍ଷୀରୋଦ ମେହେରଙ୍କ ପରିବାରରେ ଏପରି ହୃଦୟବିଦାରକ ଘଟଣା ଦେଖିବାକୁ ମିଳିଛି । ଯାହା ସାରା ଜିଲ୍ଲାରୁ ଏବେ ପୁରା ରାଜ୍ୟର ବୁଦ୍ଧିଜୀବୀ ଲୋକଙ୍କୁ ଅସ୍ତବ୍ୟସ୍ଥ କରିଛି । ୪ ଦୁର୍ବୃତ କ୍ଷୀରୋଦଙ୍କ ଘରେ ପଶି ସାରା ପାରିବାରକୁ ଆକ୍ରମଣ କଲାବେଳେ ଚିକ୍ରାର ଶୁଣି ପଡ଼ୋଶୀ ଲୋକ ଆସିଲା ବେଳେକୁ ଦୁର୍ବୃତ୍ତମାନେ ଫେରାର ହୋଇଯାଇଥିଲେ । ଦୁର୍ବୃତ୍ତମାନେ ୨ଟି ବାଇକିରେ ଆସିଥିବା ବେଳେ ଗୋଟାଏ ବାଇକ୍ରେ ଫେରାର ହୋଇ ଯାଇଛନ୍ତି । ଅନ୍ୟପଟେ କ୍ଷିରୋଦଙ୍କ ପୁଅ ଜାଇପାଲି ଗାଁରେ ପ୍ରେମ ବିବାହ କରିଥିବା ବେଳେ ପରକ୍ରିୟା ପ୍ରୀତିକୁ ନେଇ ଏହି ହତ୍ୟାକାଣ୍ଡ ହୋଇଥିବା ପୋଲିସ ସନ୍ଦେହ କରୁଛି । ବିଜେପୁର ଥାନା ଅଧିକାରୀ ଛୁଟିରେ ଥିବାରୁ ସୋହେଲା ଥାନା ଅଧିକାରୀ ନିର୍ମଳ ଚନ୍ଦ୍ର ମହାପାତ୍ର ହତ୍ୟାକାଣ୍ଡର ତଦନ୍ତ କରୁଛନ୍ତି ।