ଗଞ୍ଜେଇ ସହ କାର୍ ଓ ମୋଟରସାଇକେଲ ଜବତ, ଚାଲାଣ କାରୀ ଚମ୍ପଟ୍

ଗଜପତି: ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଭାଲିଆପଙ୍କ ଗ୍ରାମରେ ପାଟ୍ରୋଲିଂ କରୁଥିବା ବେଳେ ଅଡବା ଥାନା ପୋଲିସ ବିପୁଳ ପରିମାଣର ଗଞ୍ଜେଇ ଜବତ କରିଛି। ଏହା ସହ ୨ ଟି ମୋଟରସାଇକେଲକୁ ପୋଲିସ ଜବତ କରିଛି। ହେଲେ ଘଟଣାସ୍ଥଳରୁ ଚାଲାଣ କାରୀ ଚମ୍ପଟ୍ ମାରିବାରେ ସଫଳ ହୋଇଛି।

ସୂଚନା ଅନୁଯାୟୀ, ସନ୍ଦେହ ଜନକ ଭାବେ ଏକ ମାକ୍ସ ପିକ୍ଅପ୍ ଗାଡ଼ି ଛିଡ଼ା ହୋଇଥିବା ଦେଖି ଅଡବା ଥାନା ପୋଲିସ ଯାଞ୍ଚ କରିଥିଲା। ଯାଞ୍ଚ ବେଳେ ସେଥିରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଥିଲା ଓ ନିକଟରେ ଥିବା ଦୁଇଟି ମୋଟରସାଇକେଲକୁ ପୋଲିସ ଜବତ କରିଥିଲା। କିନ୍ତୁ ଏହି ଗଞ୍ଜେଇ କାରବାରର ଅଭିଯୁକ୍ତ ଧରାପଡ଼ି ନାହାନ୍ତି। ଯାହା ଜଣାପଡୁଛି ପୋଲିସକୁ ଦେଖି ଚାଲାଣ କାରୀ ମାନେ ଚମ୍ପଟ୍ ମାରିଛନ୍ତି।

ପୋଲିସ ଉକ୍ତ ସମସ୍ତ ଗାଡ଼ି ଓ ଗଞ୍ଜେଇ ଜବତ୍ କରି ୧୨୬/୨୩ ଅନୁଯାୟୀ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।