Home ଆଜିର ରାଶିଫଳ ଆଜିର ରାଶିଫଳ

ଆଜିର ରାଶିଫଳ

ଜାନୁଆରୀ ୧୪ ତାରିଖ *୨୦୧୯ମସିହା ସୋମବାର

ମେଷ : ସୂର୍ଯ୍ୟଦେବଙ୍କ ଉତରାୟଣ ଗତିର ପ୍ରଥମ ଦିବସର କରୁଣାକିରଣ ଆପଣଙ୍କ ପରିବାର ଓ କର୍ମକ୍ଷେତ୍ରକୁ ନୂତନ ଉସତ୍ାହରେ ଦୀପ୍ତିମନ୍ତ କରିବ। ଦୀର୍ଘଦିନରୁ ଭଲ ସମ୍ପର୍କ ଥାଇ ମଧ୍ୟ ଦେଖିନପାରିନଥିବା ପ୍ରିୟବନ୍ଧୁଟିର ସାନ୍ନିଧ୍ୟ ଲାଭରୁ ଖୁସୀ ହେବେ। ବନ୍ଧୁଗହଣରେ ପୂର୍ବନିର୍ଦ୍ଧାରିତ କାମ,ବାଣିଜ୍ୟ ଓ ଆନୁଷ୍ଠାନିକ କାମରେ ସହଯୋଗୀ ହୋଇପାରନ୍ତି।

ବୃଷ : ଆପଣଙ୍କ ଆଶା ଓ କାମନା ପୂରଣ ହେଲେ ମଧ୍ୟ ସେଥିପାଇଁ ବହୁତ ତକଲିପି ସହିବସକୁ ପଡିବ। ଯେତେ ଭଲ କାମ ଓ ଚିନ୍ତା କଲେ ମଧ୍ୟ ଘରର ସଦସ୍ୟ ମାନେ ମନେ ମନେ ବିରକ୍ତି ପ୍ରକାଶ କରିପାରନ୍ତି। ମନରେ ସରସତା ନଥିଲେ ମଧ୍ୟ କର୍ମକ୍ଷେତ୍ରରେ ପ୍ରତ୍ୟେକ ପ୍ରତିବନ୍ଧକକୁ ଦୃଢତାର ସହ ସମ୍ମୁଖୀନ ହୋଇ କାମ କରିବାକୁ ବାଧ୍ୟହେବେ।

ମିଥୁନ :ନିଜର ଲୋକମାନେ ବିରୁଦ୍ଧାଚରଣ କରୁଥିଲେ ମଧ୍ୟ ଆପଣଙ୍କ ପୂର୍ବ ଯୋଜନା ଅନୂଯାୟୀ କର୍ମ ଯଥାବିଧି ସମ୍ପନ୍ନ ହୋଇପାରିବ । ଆରଦ୍ରା ନକ୍ଷତ୍ର ସକାଶେ ପୁରାତନ ରୋଗର ପୀଡା କାମ କରିବାକୁ ନିରୁତ୍ସାହିତ କରିପାରେ । ଯାତ୍ରା, ବାଣିଜ୍ୟ, ବ୍ୟବସାୟ ଓ ପରିବହନ ସକାଶେ ଦିନଟି ବହୁତ ବଢିଆ । ବନ୍ଧୁ ଗହଣରେ ଭୁଲ୍‌ ବୁଝାମଣା ନ ହେଲାଭଳି କାମ କରନ୍ତୁ।

କର୍କଟ : ଅଭାବ ନ ଥିଲେ ମଧ୍ୟ ସାମୟିକ ଅର୍ଥସଂକଟକୁ ସାମ୍‌ନା କରିବା କଷ୍ଟକର ହୋଇପାରେ। କର୍ମକ୍ଷେତ୍ରରେ ବିଭିନ୍ନ ପ୍ରକାରର କଷ୍ଟ ସ୍ବୀକାର କରିବାକୁ ପଡିବ। ନିଜେ ଅସୁବିଧା ଭିତରେ ଚଳୁଥିଲେ ମଧ୍ୟ ବନ୍ଧୁଙ୍କ କାମରେ ଯଥାସାଧ୍ୟ ସାହାଯ୍ୟ କରିବେ। ବ୍ୟବସାୟ, ପରିବହନ କ୍ଷେତ୍ରରେ ସମସ୍ୟା ସମାଧାନ ହେବାରେ କୌଣସି ଅସୁବିଧା ରହିବନାହିଁ ।

ସିଂହ :ପରିସ୍ଥିତିବଶତଃ ମାତ୍ରାଧିକ ଭ୍ରମଣ ଓ କାମର ଚାପ ଯୋଗୁ କର୍ମକ୍ଳାନ୍ତି ଅନୁଭବ କରିବେ। କର୍ମକ୍ଷେତ୍ରରେ ପଦସ୍ଥ ବ୍ୟକ୍ତିଙ୍କ କିଛି ଆଶ୍ୱସ୍ତି ସୂଚକ କଥା ଶୁଣି ମନ ହାଲୁକା ହୋଇଯିବ। ଅନ୍ୟକୁ ସାହାଯ୍ୟ କରିବାକୁ ଯାଇ ନିଜର କାମଟି ଅଟକି ରହିଯିବାର ସୂଚନା ରହିଛି। ଶିଳ୍ପ, ବାଣିଜ୍ୟ ବ୍ୟବସାୟ,ପ୍ରଶାସନ ପାଇଁ କୈାଣସି ଅସୁବିଧା ହେବନି।

କନ୍ୟା :ଆଜିର ଦିନଟି ଏହିପରିଯେ-ନିଜ ଲୋକମାନଙ୍କ ଉପରେ ଭରଷା କରି କୈାଣସି କାମକୁ ପୂର୍ଣ୍ଣ କରିପାରିବେ। କର୍ମକ୍ଷେତ୍ର ଓ ପାରିବାରିକ କ୍ଷେତ୍ରରେ ବିଭିନ୍ନ ସମସ୍ୟାକୁ କେନ୍ଦ୍ର କରି ମାନସିକ ସ୍ଥିରତା ରହିନପାରେ। ଆଜି ଯେକୌଣସି ବିବାଦୀୟ କଥାରେ ମୁଣ୍ଡ ନ ପୂରାଇବା ଭଲ । ଶିଳ୍ପ, ବ୍ୟବସାୟ, ପରିବହନ, ମାଲି ମକଦ୍ଦମାରେ ଆଶାଜନକ ଫଳ ପାଇବେ ।

ତୁଳା :ଆପଣଙ୍କ ଆକର୍ଷଣୀୟ ବ୍ୟବହାର ବନ୍ଧୁ ପରିଜନଙ୍କ ପ୍ରୀତିବର୍ଦ୍ଧନ କରିବ। କିନ୍ତୁ ରାହୁଙ୍କ ପ୍ରଭାବରେ କୌଣସି ଦୀର୍ଘମିଆଦି ଯୋଜନା ଫସର ଫାଟିଯିବା କାରଣରୁ ମନ ଭଲ ରହିନପାରେ। ଆଜି ଇଚ୍ଛା ନ ଥିଲେ ମଧ୍ୟ ହଠାତ୍‌ ପରିସ୍ଥିତିରେ ପଡି ଖର୍ଚ୍ଚାନ୍ତ ହେବେ। ପରିବାରରେ କାହାର ସ୍ବାସ୍ଥ୍ୟ ସମସ୍ୟା ଯୋଗୁଁ ମାନସିକ ସୁସ୍ଥତା ବ୍ୟାହତ ହେବା ର ସୂଚନା ରହିଛି।

ବିଛା : ଅନୁକୂଳଗ୍ରହ ପ୍ରଭାବରେ ଯେଉଁ କାମରେ ହାତଦେଲେ ମଧ୍ୟ ବିଫଳତାର ପ୍ରଶ୍ନ ଉଠିବ ନାହିଁ। ବିଭିନ୍ନ ପ୍ରକାରର କୈାଶଳ ଅବଲମ୍ବନ କରି ଆଶା ପୂରଣ ଦିଗରେ ଚେଷ୍ଟା କରି ପାରନ୍ତି। ସାହିତ୍ୟ,ସଂଗୀତ, କଳା, କ୍ରୀଡା ଓ ଚଳଚ୍ଚିତ୍ରରେ ସୁନାମ ଅର୍ଜନ କରିବେ। ଯାନବାହନରେ ଯିବା ଆସିବା ସମୟରେ ଜିନିଷପତ୍ର ଅଦଳବଦଳ ହୋଇଯାଇପାରେ।

ଧନୁ : ପରିବର୍ତ୍ତିତ ପରିସ୍ଥିତି କେତେକାଂଶରେ ମାନସିକ ସ୍ଥିରତା ରକ୍ଷା କରିବାରେ ସହାୟକ ହୋଇପାରିବ। କଳା, ସାହିତ୍ୟ, ସଙ୍ଗୀତ କ୍ଷେତ୍ରରେ ପ୍ରଶଂସା ଓ ପ୍ରୋତ୍ସାହନ ପାଇବାରେ କୌଣସି ଶୁଭେତ୍ସୁଙ୍କ ଅବଦାନ ଉପଲବ୍ଧତ୍ କରିପାରିବେ। ସଭାସମିତିରେ ଆନୁଷ୍ଠାନିକ କ୍ଷେତ୍ରରେ କିମ୍ବା ଆଲୋଚନା ପରିସରରେ ବନ୍ଧୁଙ୍କ ଯୁକ୍ତିକୁ ଗ୍ରହଣ କରିବାକୁ ବାଧ୍ୟ ହୋଇପାରନ୍ତି।

ମକର : ସକାଳୁ ସକାଳୁ ପ୍ରିୟଜନଙ୍କ ସହ ଭ୍ରମଣ ଓ ନୂତନ ସ୍ଥାନ ପରିଦର୍ଶନର ସୁଯୋଗ ପାଇ ଆନନ୍ଦ ଅନୁଭବ କରିବେ। ପାରିବାରିକ କ୍ଷେତ୍ରରୁ ସମର୍ଥନ ଲାଭକରି ଅଭିଳଷିତ କାମକୁ ଶେଷପର୍ଯ୍ୟାୟକୁ ନେବାପାଇଁ ଶ୍ରବଣା ଚେଷ୍ଟିତ ହୋଇପାରନ୍ତି। ଦୂର ସମ୍ପର୍କୀୟ ଜଣେ ବନ୍ଧୁ ବିଭିନ୍ନ ପ୍ରଲୋଭନ କିମ୍ବା ସାହାଯ୍ୟର ପ୍ରତିଶ୍ରୁତି ଦେଇ ଆପଣେଇବା ସକାଶେ।

କୁମ୍ଭ : କର୍ମସ୍ଥାନରେ ଶୁକ୍ର ଚତୁର୍ଥଭାବକୁ ଅବଲୋକନ କରି ପାରିବାରିକ ଅସ୍ଥିରତା ଦୂର କରିବାର ମାର୍ଗଦର୍ଶନ କରାଇବେ ।ରାଶ୍ୟାଧିପତି ଶନିଙ୍କ ପ୍ରଭାବରେ ବିଜାତୀୟ ବନ୍ଧୁମାନଙ୍କ ସହ ମିତ୍ରତା ସ୍ଥାପନ କାର୍ଯ୍ୟହାସଲେ ସାହାଯ୍ୟ କରିବ। ଶିଳ୍ପ, ବାଣିଜ୍ୟ, ପରିବହନ,ମାଲି ମକଦ୍ଦମା,ପ୍ରକାଶନ ଓ ପ୍ରଶାସନିକ କ୍ଷେତ୍ର ମନ୍ଦ ହେବନି ।

ମୀନ : ସ୍ବାସ୍ଥ୍ୟୋନ୍ନତି ସଙ୍ଗକୁ ଆତ୍ମୀୟମାନଙ୍କ ସହାନୁଭୂତି ମାନସିକ ସ୍ତରକୁ ପ୍ରଫୁଲ୍ଲିତ କରିରଖିବ। ନିଜ ପରିସରରେ ପିଲାମାନଙ୍କ କଳହକୁ କେନ୍ଦ୍ର କରି ପଡୋଶୀ କ୍ରୋଧ ପ୍ରକାଶ କରିପାରନ୍ତି। କୌଣସି ବନ୍ଧୁ ପ୍ରତିଶ୍ରୁତି ଦେଇ ମଧ୍ୟ ଆସି ନପାରନ୍ତି। ପରିବାରରେ ଯୁକ୍ତିତର୍କ ଜନିତ ମତାନ୍ତର ରେବତୀ ନକ୍ଷତ୍ର ସକାଶେ ଅଶାନ୍ତିର ବାତାବରଣ ସୃଷ୍ଟି ହୋଇପାରେ।

https://linksredirect.com/?cid=34199&source=linkkit&url=https%3A%2F%2Fplay.google.com%2Fstore%2Fapps%2Fdetails%3Fid%3Dcom.eterno.shortvideos