Home ରାଜ୍ୟ ୫ ଜୁଆଡ଼ି ଗିରଫ, ୪ ଲକ୍ଷ ଟଙ୍କା ଜବତ

୫ ଜୁଆଡ଼ି ଗିରଫ, ୪ ଲକ୍ଷ ଟଙ୍କା ଜବତ

86

ରାଉରକେଲା : ରାଉରକେଲାର ବାସନ୍ତୀ ନଗର ଅଞ୍ଚଳରେ ଜୁଆ ବେପାର ଚାଲୁଥିବା ଖବର ପାଇ ଉଦିତନଗର ଥାନା ପୁଲିସ ଗତକାଲି ସନ୍ଧ୍ୟାରେ ଚଢ଼ାଉ କରିଥିଲା। ଏହି ଚଢ଼ାଉ ସମୟରେ ପୁଲିସ ଏହି ଘଟଣାର କିଙ୍ଗପିନ୍‌ ଉମା ସିଂଙ୍କ ସମେତ ୫ ଜଣ  ଜୁଆଡ଼ିଙ୍କୁ  ଗିରଫ କରିଛି ।

ସେମାନଙ୍କ ନିକଟରୁ ନଗଦ ୪   ଲକ୍ଷ ୧ ହଜାର ଟଙ୍କା, ଜୁଆ ଖେଳ ଲାଗି ବ୍ୟବହୃତ କାଗଜପତ୍ରକୁ ମଧ୍ୟ ପୁଲିସ ଜବତ କରିଛି । ଏହି ଜୁଆ ବେପାରୀମାନେ କୋଲକତା, ମୁମ୍ବାଇର ଜୁଆ ବେପାରୀଙ୍କ ସହ ସହ ମିଶି ବହୁ ଦିନରୁ ଏହି ବେପାର ଚଳାଇ ଆସୁଥିଲେ । ପୋଲିସ ଏହି ବେପାରରେ ଲିପ୍ତ ଅନ୍ୟମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।

ପ୍ରାୟ ୭ରୁ ୮ ବର୍ଷ ହେଲା ଉମା ସିଂ ରାଉରକେଲାର ବିଭିନ୍ନ ଅଞ୍ଚଳରେ ଏଜେଣ୍ଟ ରଖି ଜୁଆ ବେପାର କରି ଆସୁଛନ୍ତି। ସନ୍ଧ୍ୟାରେ  ଉକ୍ତ ଏଜେଣ୍ଟମାନେ ତାଙ୍କ ନିକଟରେ ଆଣି ବେପାର ଟଙ୍କା ଜମା ଦିଅନ୍ତି। ଏହି ସୂଚନା ପାଇବା ପରେ ପୁଲିସ ଚଢ଼ାଉ କରି ୪ ଲକ୍ଷ ଟଙ୍କା ଜବତ କରିଥିଲା।

ପୁଲିସ ନଜରରୁ ଖସିବା ଲାଗି ଉମାଙ୍କ ଗ୍ୟାଙ୍ଗର ସଦସ୍ୟମାନେ ଜାଗା  ପରିବର୍ତ୍ତନ କରି ବେପାର ଚଳାଇ ଆସୁଥିଲେ। ଫଳରେ ଦୀର୍ଘ ବର୍ଷ ହେଲା ପୁଲିସ ଆଖିରେ ଧୂଳି ଦେବାରେ ସେମାନେ ସକ୍ଷମ ହୋଇ ପାରିଥିଲେ।