Home ଦେଶ- ବିଦେଶ ଜୁକରବର୍ଗଙ୍କ ସୁରକ୍ଷାରେ ୨୦ ମିଲିୟନ୍‌ ଖର୍ଚ୍ଚ କରିଛି ଫେସ୍‌ବୁକ୍‌

ଜୁକରବର୍ଗଙ୍କ ସୁରକ୍ଷାରେ ୨୦ ମିଲିୟନ୍‌ ଖର୍ଚ୍ଚ କରିଛି ଫେସ୍‌ବୁକ୍‌

ଫେସ୍‌ବୁକ୍‌ର ମୁଖ୍ୟ କାର୍ଯ୍ୟନିର୍ବାହି ଅଧିକାରୀ ମାର୍କ ଜୁକରବର୍ଗଙ୍କ ସୁରକ୍ଷା ପାଇଁ ଫେସ୍‌ବୁକ୍‌ ୨୦ମିଲିୟନ୍‌ ଡଲାର ଖର୍ଚ୍ଚ କରଇଛି । ଜୁକରବର୍ଗଙ୍କ ବ୍ୟକ୍ତିଗତ ସୁରକ୍ଷା ପାଇଁ ଏହି ଅର୍ଥ ଖର୍ଚ୍ଚ କରାଯାଇଛି ।୨୦୧୬ରେ ଜୁକରବର୍ଗଙ୍କ ବ୍ୟକ୍ତିଗତ ସୁରକ୍ଷାରେ 5 ମିଲିୟନ୍‌ ଡଲାର ଖର୍ଚ୍ଚ କରାଯାଇଥିବା ବେଳେ ତିନି ବର୍ଷ ମଧ୍ୟରେ ଏହା ଚାରି ଗୁଣ ବୃଦ୍ଧି ପାଇଛି । ଯୁକ୍ତରାଷ୍ଟ୍ର ଆମେରିକାର ସୁରକ୍ଷା ସଚିବଙ୍କ ନିକଟରେ ଫେସ୍‌ବୁକ୍‌ ପକ୍ଷରୁ ଦାଖଲ କରାଯାଇଥିବା ତଥ୍ୟ ଅନୁଯାୟୀ ଜୁକରବର୍ଗଙ୍କ ବ୍ୟକ୍ତିଗତ ଜେଟ୍‌ ପାଇଁ କମ୍ପାନୀ ୨.୬ ମିଲିୟନ୍‌ ଡଲାର ଖର୍ଚ୍ଚ କରିଥିବା ବେଳେ ୩ ବର୍ଷ ପୂର୍ବରୁ କମ୍ପାନୀକୁ ମାତ୍ର ୧.୫ ମିଲିୟନ୍‌ ଡଲାର ଖର୍ଚ୍ଚ କରିବାକୁ ପଡୁଥିଲା । ଜୁକରବର୍ଗ ବାର୍ଷିକ ମାତ୍ର 1 ଡଲାର ଦରମା ନେଉଥିବା ବେଳେ ତାଙ୍କର ଅନ୍ୟାନ୍ୟ ଖର୍ଚ୍ଚ ବାବଦରେ କମ୍ପାନୀ ୨୨.୫ ମିଲିୟନ୍‌ ଡଲାର ଖର୍ଚ୍ଚ କରିଛି ଫେସ୍‌ବୁକ୍‌ । ସିଓଓ ସେରିଲ୍‌ ସ୍ୟାଣ୍ଡବର୍ଗଙ୍କ ସୁରକ୍ଷାରେ ୨.୯ ମିଲିୟନ୍‌ ଡଲାର ଖର୍ଚ୍ଚ କରିଛି ଫେସ୍‌ବୁକ୍‌ ।