Home ଖେଳ ଟି-ଟ୍ୱେଣ୍ଟି ସିରିଜ୍ ପୂର୍ବରୁ ବ୍ୟାଟ୍ସମ୍ୟାନ୍ ପୃଥ୍ୱୀ ଶ’ ଆହତ !

ଟି-ଟ୍ୱେଣ୍ଟି ସିରିଜ୍ ପୂର୍ବରୁ ବ୍ୟାଟ୍ସମ୍ୟାନ୍ ପୃଥ୍ୱୀ ଶ’ ଆହତ !

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳର ବ୍ୟାଟ୍ସମ୍ୟାନ୍ ପୃଥ୍ୱୀ ଶ’ ଆହତ ହୋଇଛନ୍ତି। ତେବେ ଭାରତୀୟ ଏବେ ଅଷ୍ଟ୍ରେଲିଆ ଗସ୍ତରେ ଅଛି। ତେବେ ଦଳ ସେଠାରେ ତିନିଟି ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍ ଖେଳି ସାରିଛି। ଡିସେମ୍ବର ୬ ତାରିଖରୁ ଚାରିଟି ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜ୍ ଆରମ୍ଭ ହେବାକୁ ଥିବାବେଳେ ,ଭାରତକୁ ଲାଗିଛି ଝଟଟା । ସୂଚନା ଅନୁସାରେ , ସିଡ୍ନୀ ଗ୍ରାଉଣ୍ଡରେ କ୍ରିକେଟ୍ ଅଷ୍ଟ୍ରେଲିଆ ଏକାଦଶ ବିପକ୍ଷରେ ଅଭ୍ୟାସ ମ୍ୟାଚ୍ ଖେଳୁ ଥିବା ବେଳେ ଆହତ ଶ’ହୋଇଥିବା ଦେଖିବାକୁ ମିଳିଛି। ତେବେ ପୃଥ୍ୱୀ ଫିଲ୍ଡିଂ କରୁଥିବା ବେଳେ ବାଉଣ୍ଡ୍ରି ନିକଟରେ ଏକ କ୍ୟାଚ୍ ଧରିବାକୁ ଉଦ୍ୟମ କଲା ବେଳେ ତାଙ୍କ ବାମ ଗୋଇଠିରେ ଆଘାତ ଲାଗିଥିବା ଜଣାପଡିଛି । ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ ମ୍ୟାକ୍ସ ବ୍ରୋୟଣ୍ଟ ଏକ ଉଚ୍ଚା ଶଟ୍ ଖେଳିଥିଲେ। ବଲ୍କୁ କ୍ୟାଚ୍ କରିବାକୁ ଶ’ ଜୋରସୋର ପ୍ରୟାସ କରିଥିଲେ। ଆଉ ସେତେବେଳେ ସେ ଖସି ପଡ଼ିଥିଲେ ଓ ଗୋଇଠି ମୋଡ଼ି ହୋଇଯାଇଥିଲା। ବିସିସିଆଇ ପକ୍ଷରୁ ଟ୍ୱିଟ୍ କରି କୁହାଯାଇଛି ଯେ ପୃଥ୍ୱୀ ଶ’ଙ୍କ ଆଘାତ କେତେ ଗମ୍ଭୀର, ତାହା ଡାକ୍ତରୀ ଟିମ୍ ଯାଞ୍ଚ କରୁଛି।