Home ରାଜ୍ୟ କର୍ପୋରେଟଙ୍କ ମୁର୍ଦା ଛାଡି କୃଷକର ମୁର୍ଦା ଭାରି ପଡୁଛି ; ଏବେ ଆସିଲାଣି ଅସଲ ମଜା...

କର୍ପୋରେଟଙ୍କ ମୁର୍ଦା ଛାଡି କୃଷକର ମୁର୍ଦା ଭାରି ପଡୁଛି ; ଏବେ ଆସିଲାଣି ଅସଲ ମଜା !

ଭୁବନେଶ୍ୱର ; ଆସିଲାଣି ମଜା, ଏବେ ରାଜନୀତିରେ ଖାଲି ଚାଷୀ ହିଁ ଚାଷୀ । ଦେଶର ଭୋଟ୍ ବ୍ୟାକୁଳ ରାଜନିତିଆଙ୍କ ପାଇଁ କର୍ପୋରେଟ ମୁର୍ଦା ଠାରୁ କୃଷି ଓ କୃଷକଙ୍କ ମୁର୍ଦା ଭାରି ପଡ଼ିଛି । ଦେଶ ରାଜନୀତିରେ କୋମାରେ ଥିବା କଂଗ୍ରେସ ଚାଷୀଙ୍କୁ ହାତବାରିସ କରି ପ୍ରଥମେ କର୍ଣର୍ାଟକକୁ ଦଖଲ କରିବା ପରେ ଏବେ ମଧ୍ୟପ୍ରଦେଶ, ଛତିଶଗଡ଼ ଓ ରାଜସ୍ଥାନରେ କ୍ଷମତାକୁ ଫେରିଛି । ଯାହା ପରେ ଦେଶ ରାଜନୀତିରେ କର୍ପୋରେଟ ହାଉସଙ୍କ ପ୍ରାଧାନ୍ୟ ଫିକା ପଡ଼ିଥିବା ବେଳେ ଚାଷୀର ପ୍ରଧାନ୍ୟ ବଢି ଯାଇଛି । ଦେଶ ସ୍ୱାଧିନତାର ୭୦ ବର୍ଷ ପରେ ପ୍ରଥମ କରି ଶାସକ ବିରୋଧିଙ୍କ ମଧ୍ୟରେ ଚାଷ ଓ ଚାଷୀମାନଙ୍କ ପାଇଁ ପ୍ରତିଯୋଗିତା ଦେଖିବାକୁ ମିଳିଛି । ବିଶେଷକରି ଦେଶର ବଡ଼ ଭୋଟ ବ୍ୟାଙ୍କ ଚାଷୀଙ୍କୁ ମିଥ୍ୟା ପ୍ରତିଶ୍ରୁତି ଦେବା ମହାଙ୍ଗା ପଡ଼ିଛି । ଗତ ୩ଟି ରାଜ୍ୟରେ କଂଗ୍ରେସ କ୍ଷମତାକୁ ପ୍ରତ୍ୟାବର୍ତ୍ତନ ପରେ ରାଜ୍ୟର ଚାଷୀଙ୍କୁ ଦେଇଥିବା ପ୍ରତିଶ୍ରୁତି ରଖି ଋଣଛାଡ଼ କରିଛି । ପ୍ରଥମେ ମଧ୍ୟପ୍ରଦେଶ ଓ ଛତିଶଗଡ଼ରେ କାର୍ଯ୍ୟକାରୀ ହୋଇଥିବା ବେଳେ ରାଜସ୍ଥାନରେ ଏହା ଅନ୍ତିମ ପର୍ଯ୍ୟାୟରେ ରହିଛି । କଂଗ୍ରେସ କର୍ପୋରେଟ ହାଉସ ପ୍ରୀତି ଛାଡ଼ି ଚାଷୀଙ୍କ ପ୍ରତି ଅହେତୁକୁ ଅନୁକମ୍ପା ଯାହା ଶାସକ ବିଜେପି ସହିତ ଆଂଚଳିକ ଦଳ ମଧ୍ୟରେ ଭୁମିକମ୍ଫ ସୃଷ୍ଟି କରିଛି ।
ଆସନ୍ତା ସାଧାରଣ ନିର୍ବାଚନ ପାଇଁ ଶାସକ, ବିରୋଧି ସମେତ ଦେଶର ସମସ୍ତ ଆଂଚଳିକ ଦଳ କୃଷି ଓ କୃଷକର ମୁର୍ଦା ରଖି ନିର୍ବାଚନ ବୈତରଣୀ ପାର ହେବାକୁ ଲକ୍ଷ୍ୟ ରଖିଛି । ଯାହା ଆମ ରାଜ୍ୟରେ ଏହାର ପ୍ରଭାବ ଦେଖିବାକୁ ମିଳିଛି । ଏହାସହ ୩ ପ୍ରମୁଖ୍ୟ ଦଳ କଂଗ୍ରେସ, ବିଜେପି ଓ ବିଜେଡି ମଧ୍ୟରେ ଚାଷୀର ଋଣଛାଡ଼ ପ୍ରତିଯୋଗିତା ଦେଖିବାକୁ ମିଳିଛି । କଂଗ୍ରେସ ପିସିସି ସଭାପତି ନିରଞ୍ଜନ ପଟ୍ଟନାୟକ ଆରମ୍ଭରୁ ଏହି ସ୍ୱର ଭୋଟରଙ୍କ ନିକଟରେ ଉଠାଇଥିବା ବେଳେ ଏବେ ବିଜେପି ଓ ଶାସକ ବିଜେଡି ମଧ୍ୟରେ ଚାଷୀର ସ୍ୱର ଦେଖିବାକୁ ମିଳିଛି । ଗୋଟାଏ ପଟେ ବିଜେପି ରାଜ୍ୟରେ କ୍ଷମତାକୁ ଆସିଲେ ଚାଷୀର ଋଣଛାଡ଼ କରିବା ନେଇ ପ୍ରେସମିଟ୍ କରି ଘୋଷଣା କରିବା ପରେ ଶାସକ ବିଜେଡିର ଚିନ୍ତା ବଢାଇଥିଲା । ଏହା ପରେ ଦଳର ସୁପ୍ରିମୋ ନବୀନ ପଟ୍ଟନାୟକ ରାଜ୍ୟରେ କୃଷକର ନେତୃତ୍ୱ ପାଇଁ ସାଂସଦ ପ୍ରସନ୍ନ ଆଚାର୍ଯ୍ୟ ଓ ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନାଙ୍କୁ ଦାୟିତ୍ୱ ଅର୍ପଣ କରିଛନ୍ତି । ଯାହା ଆଗାମି ଦିନରେ ରାଜ୍ୟ ଚାଷୀଙ୍କ ନିକଟତର ହେବାକୁ ଦଳ ପ୍ରୟାସ କରିବା ନେଇ ରାଜନିତିଜ୍ଞ ମହଲରେ ଚର୍ଚ୍ଚା ହେଉଛି ।
ଏଠି କଥା ଉଠୁଛି ଯେଉଁ ଭୋଟ ବ୍ୟାକୁଳ ଦଳ ମାନେ ଚାଷୀର ଋଣ ଛାଡ଼ ପାଇଁ ମିଛକାନ୍ଦ କାନ୍ଦୁଛନ୍ତି ଏହା ବାସ୍ତବରେ କେତେ ସତ୍ୟତା ଅଛି ? ଚାଷୀମାନଙ୍କ ପାଇଁ ଯେଉଁ ସ୍ୱର ଏବେ ସାରା ଦେଶରେ ଉଠୁଛି, ତାହା ‘ଋଣଛାଡ଼ ନାଁ ଋଣମୁକ୍ତ’ । ରାଜ୍ୟରେ ୧୯୯୯ ମହାବାତ୍ୟା ପରେ ରାଜ୍ୟରେ କଂଗ୍ରେସ ଚାଷୀଙ୍କ ଋଣଛାଡ଼ କରିଥିଲା । କିନ୍ତୁ ଏହା ପରେ ୨୦୦୦ ମସିହା ଠାରୁ ୨୦୧୮ ମସିହା ପର୍ଯ୍ୟନ୍ତ ରାଜ୍ୟ ତଥା ଦେଶରେ ୩୬ ହଜାର ଚାଷୀ ଋଣଭାର ସହିନପାରି ଆତ୍ମହତ୍ୟା କରିଛନ୍ତି । ଯେଉଁ ସମୟରେ ସାରା ଦେଶରେ କିଟନାଶକ ଓøଷଧର କଳାବଜାରୀ ଓ ଅହେତୁକ ମୂଲ୍ୟ ବୃଦ୍ଧି ରୋକିବାରେ ସରକାର ବିଫଳ ହୋଇଛନ୍ତି । ଉଚିତ୍ ମୂଲ୍ୟରେ ବିହନ, ସାର ଚାଷୀଙ୍କୁ ଯୋଗାଇ ଦେବାରେ ବିଫଳ ସରକାର ଭୋଟ୍ ପାଇଁ ଋଣଛାଡ଼ ଭେଳିକି ସୃଷ୍ଟି କରୁଛନ୍ତି । ଏହାସହ ଚାଷୀମାନଙ୍କ ପାଇଁ ଉପଯୁକ୍ତ ବଜାର ଖୋଲିବାରେ ରାଜ୍ୟ ଓ କେନ୍ଦ୍ର ସରକାର ସମ୍ପର୍ଣ୍ଣ ଭାବେ ବିଫଳ ହୋଇଛନ୍ତି । ଯାହା ଦ୍ୱରା ଚାଷୀମାନେ ଅଭାବୀ ବିକ୍ରିର ସାମ୍ନା କରି ଭାରସାମ୍ୟ ହରାଇ ଆତ୍ମହତ୍ୟାର ପନ୍ଥା ଅପଣାଉଛି । ଏପରି ପଞ୍ଚାୟତ ଓ ଜିଲ୍ଲା ସ୍ତରରେ କୋଲଷ୍ଟର ନିର୍ମାଣର ପ୍ରତିଶ୍ରୁତି ଏବେ ପ୍ରତାରଣା ପାଲଟିଛି । ଯାହା କିଛି କୋଲଷ୍ଟର ଅଛି ତାହା କିଛି ବାହୁବଳି ନେତାମାନଙ୍କ ଇଙ୍ଗିତରେ ଚାଲୁଥିବା ଦେଖିବାକୁ ମିଳିଛି । ଅନ୍ୟପଟେ ଯଦି ସରକାର ଋଣଛାଡ଼ କରନ୍ତି ତେବେ ଏହା ବାସ୍ତବରେ ଚାଷୀର ସମସ୍ୟା ପରିବର୍ତନରେ କିଛି କ୍ଷଣପାଇଁ ସହାୟକ ହେବା ନେଇ ଅର୍ଥନିତିଜ୍ଞମାନେ ଆକଳନ କରିଛନ୍ତି । ଏହାହସ ରାଜ୍ୟ ଅର୍ଥନିତିରେ ଏହା ଏକ ଭାର ସଦୃଶ୍ୟ ହେବା ନେଇ ମନ୍ତବ୍ୟ ଦେଇଛନ୍ତି ।